(vovworld) – ຕອນເຊົ້າວັນທີ 27/8, ຄະນະປະຈຳກຳມາທິການປ້ອງກັນຊາດ - ປ້ອງກັນຄວາມສະຫງົບຂອງສະພາແຫ່ງຊາດຈັດກອງປະຊຸມເປີດກ້ວາງເພື່ອກວດກາໃນເບື້ອງຕົ້ນສຳລັບຮ່າງກົດໝາຍວ່າດ້ວຍການເຂົ້າ, ອອກເມືອງ, ການຢູ່ອາໄສຂອງຊາວຕ່າງປະເທດຢູ່ ຫວຽດນາມ. ທ່ານຮອງປະທານສະພາແຫ່ງຊາດ ຮິ່ງງອກເຊີນ ເປັນປະທານກອງປະຊຸມ. ພາຍຫຼັງ 10 ປີແຫ່ງການປະຕິບັດ, ລັດຖະບັນຍັດວ່າດ້ວຍການເຂົ້າເມືອງ, ອອກເມືອງ, ການຢູ່ອາໄສຂອງຊາວຕ່າງປະເທດຢູ່ ຫວຽດນາມ ໄດ້ປະກອບສ່ວນຢ່າງຕັ້ງໜ້າໃຫ້ແກ່ແນວທາງການຕ່າງປະເທດຢ່າງສະເໝີຕົ້ນສະເໝີປາຍຂອງພັກ ແລະ ລັດ ຫວຽດນາມ ແມ່ນເອກະລາດ, ເປັນເຈົ້າຕົ້ນເອງ, ສັນຕິພາບ, ຮ່ວມມື ແລະ ພັດທະນາ, ຫັນການພົວພັນສາກົນເປັນຫຼາຍຮູບຫຼາຍແບບ, ຫຼາຍຝ່າຍ. ບັນດາຂໍ້ກຳນົດທີ່ສະດວກສະບາຍຂອງກົດໝາຍວ່າດ້ວຍການເຂົ້າ, ອອກເມືອງ, ການຢູ່ອາໄສຂອງຊາວຕ່າງປະເທດ ໄດ້ຮັບການປັບປຸງ, ຫັນເປັນງ່າຍດາຍ... ໄດ້ດຶງດູດແຂກຕ່າງປະເທດມາທ່ອງທ່ຽວ, ລົງທຶນ, ດຳເນີນທຸລະກິດ ຢູ່ ຫວຽດນາມ.
ກ່ຽວກັບບັນຫາຢູ່ອາໄສຂອງຊາວຕ່າງປະເທດຢູ່ ຫວຽດນາມ, ບັນດາຜູ້ແທນຖືວ່າ: ຄວນກຳນົດຢ່າງແໜ້ນແຟ້ນ, ລະອຽດກ່ວາກ່ຽວກັບເປົ້າໝາຍ, ເອກະສານ, ສິດອຳນາດພິຈາລະນາ, ແກ້ໄຂໃຫ້ຊາວຕ່າງປະເທດ ອາໄສຢູ່ ຫວຽດນາມ. ພ້ອມທັງຮັບປະກັນລັກສະນະເປັນເອກະພາບກ່ຽວກັບກຳນົດເວລາຂອງ ວີຊາ ແລະ ອາໄສຊົ່ວຄາວ, ພິເສດແມ່ນສຳລັບບັນດາກໍລະນີເຂົ້າ ຫວຽດນາມ ດ້ວຍຈຸດປະສົງຮຳ່ຮຽນ, ເຮັດວຽກ, ຮ່ວມມືລົງທຶນ. ທ່ານ ພົນຈັດຕະວາ ໂງວັນຮູ່ງ, ສະມາຊິກກຳມາທິການປ້ອງກັນຊາດ ປ້ອງກັນຄວາມສະຫງົບສະພາແຫ່ງຊາດສະເໜີວ່າ:
“ໃນກົດໝາຍສະບັບນີ້, ພວກຂ້າພະເຈົ້າປາດຖະໜາວ່າ: ຢູ່ພາກການຢູ່ອາໄສຂອງຊາວຕ່າງປະເທດຕ້ອງເຮັດໃຫ້ລະອຽດກ່ວາອີກ, ມີຄວາມຮັບຜິດຊອບກ່ວາອີກເພື່ອໃຫ້ບັນດາຂະແໜງການ, ແຕ່ຂັ້ນສູນກາງ ລົງຮອດທ້ອງຖີ່ນເພື່ອຄຸ້ມຄອງຊາວຕ່າງປະເທດ. ຢູ່ພາກການຢູ່ອາໄສຂອງຮ່າງກົດໝາຍ, ຂ້າພະເຈົ້າສະເໜີໃຫ້ຄະນະຮຽບຮຽງຄວນຄົ້ນຄ້ວາ, ເພີ່ມເຕີມບັນດາຂໍ້ກຳນົດຢ່າງລະອຽດກ່ວາອີກເພື່ອໃຫ້ເມື່ອພວກເຮົາມີກົດໝາຍແລ້ວຈະມີປະສິດທິຜົນໃນວຽກງານຄຸ້ມຄອງຊາວຕ່າງປະເທດ.”