ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ທີ່ກອງປະຊຸມສະຫຼຸບ
(ພາບ: TTXVN)
vovworld) - ສ້າງໂຄງປະກອບວິສາຫະກິດຄືນໃໝ່, ຍູ້ແຮງການລົງທຶນ, ຜະລິດສ້າງເປັນຜະລິດຕະພັນທີ່ມີກຳລັງແກ່ງແຍ້ງ ເພື່ອສາມາດເຕີບໂຕຢ່າງມີປະສິດທິຜົນ. ນັ້ນແມ່ນຄຳສັ່ງຊີ້ນຳຂອງທ່ານຮອງນາຍົກລັດຖະມົນຕີ ຈິ້ງດິ່ງຢຸງ ທີ່ກອງປະຊຸມສະຫຼຸບການເຄື່ອນໄຫວປີ 2016 ແລະ ຜັນຂະຫຍາຍໜ້າທີ່ປີ 2017 ຂອງກຸ່ມບໍລິສັດ ອຸດສາຫະກຳທາດເຄມີ ຫວຽດນາມ ເຊິ່ງຈັດຕັ້ງໃນຕອນເຊົ້າວັນທີ 14/1, ຢູ່ ຮ່າໂນ້ຍ. ປີ 2016, ການຜະລິດ, ດຳເນີນທຸລະກິດຂອງ ກຸ່ມບໍລິສັດ ອຸດສາຫະກຳທາດເຄມີ ຫວຽດນາມບັນລຸໄດ້ບັນດາຜົນງານທີ່ສຳຄັນ. ລາຍຮັບຂອງກຸ່ມບໍລິສັດບັນລຸໄດ້ເກືອບ 42 ພັນຕື້ດົ່ງ, ມອບເຂົ້າງົບປະມານແຫ່ງລັດ 1.800 ຕື້ດົ່ງ. ກ່າວຄວາມເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ສະເໜີ, ໄລຍະຈະມາເຖິງ, ການນຳກຸ່ມບໍລິສັດ ອຸດສາຫະກຳທາດເຄມີ ຫວຽດນາມ ຈະສຸມໃສ່ຄົ້ນຄ້ວາ ເພື່ອມີບັນດາໂຄງການລົງທຶນໃໝ່, ຈາກນັ້ນຍົກລະດັບເປີດກວ້າງບັນດາໂຄງການທີ່ມີຢູ່ແລ້ວ, ຍົກສູງປະສິດທິພາບ, ຄຸນນະພາບບັນດາໂຄງການລົງທຶນ, ແກ້ໄຂສະພາບທີ່ຍັງອ່ອນດ້ອຍ, ເຮັດຕາມແບບຮູບການ. ພິເສດແມ່ນເອົາໃຈໃສ່ເຖິງບັນດາມາດຕະການປົກປັກຮັກສາສິ່ງແວດລ້ອມ.