ສາດສະດາຈານອາເມ ລິກາ 3 ທ່ານໄດ້ຮັບ ລາງວັນໂນແບນ ເສດຖະກິດ 2013
![ສາດສະດາຈານອາເມ ລິກາ 3 ທ່ານໄດ້ຮັບ ລາງວັນໂນແບນ ເສດຖະກິດ 2013 - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2013_10_15/no%20ben.jpg)
(ພາບ: vnexpress.net)
(vovworld)- ລາງວັນໂນແບນເສດຖະກິດໄດ້ມອບໃຫ້ສາດສະດາຈານອາເລິກາ 3 ທ່ານຄື: Lars Peter Hansen, Eugene Fama ແລະ Robert Shiller. ສະພາມະຫາບັນດິດວິທະຍາສາດຊູແອດ ໃຫ້ຮູ້ວ່າ: ບັນດາຜູ້ໄດ້ຮັບລາງວັນໂນແບນເສດຖະກິດ 2013 ໄດ້ຮັບການເຊີດຊູຍ້ອນມີການຄົ້ນຄ້ວາທີ່ມີລັກສະນະບຸກທະລຸກ່ຽວກັບຕະຫຼາດອະສັງຫາລິມະຊັບ, ສ້າງພື້ນຖານໃຫ້ແກ່ຄວາມຮູ້ກ່ຽວກັບລາຄາຊັບສົມບັດໃນປະຈຸບັນ. ການຄົ້ນຄ້ວາຂອງເຂົາເຈົ້າສ່ວນໜຶ່ງແມ່ນອີງຕາມການຜັນແປໄພອັນຕະລາຍ, ສ່ວນໜຶ່ງອີງຕາມທ່າອ່ຽງການກະທຳ ແລະ ຄວາມບໍ່ລົງລອຍກັນໃນທ້ອງຕະຫຼາດ. ນັບແຕ່ປີ 1960, Eugene Fama ແລະ ຜູ້ຮ່ວມງານຈຳນວນໜຶ່ງໄດ້ເລີ່ມພິສູດວ່າ ລາຄາໃບຫຸ້ນຍາກທີ່ຈະຄາດຄະເນໃນໄລຍະສັ້ນໄດ້ ແລະ ຂ່າວໃໝ່ເຄີຍກະທົບເຖິງລາຄາໃນຕະຫຼາດຢ່າງໄວວາ. ການຄົ້ນພົບຂອງເຂົາເຈົ້າມີການກະທົບຕໍ່ບັນດາການຄົ້ນຄ້ວາພາຍຫຼັງນັ້ນ ພ້ອມທັງກະທົບເຖິງວິທີການໝູນໃຊ້ໃນຕະຫຼາດ. ຫຼັງຈາກນັ້ນ, ບັນດານັກຄົ້ນຄ້ວາຍັງຄົ້ນພົບວ່າ ລາຄາຊັບສົມບັດຈະຄາດຄະເນງ່າຍກ່ວາໃນ 2, 3 ປີ.