ສານຕົ້ນປີໃໝ່ ຄ.ສ 2014 ຂອງ ທ່ານນາຍົກລັດຖະມົນຕີ ຫງວຽນເຕີ້ນຢຸ້ງ

ວັນພຸດ ທີ 1 ມັງກອນ ຄ.ສ. 2014 | 18:25:34

ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງ

(vovworld)- ເນື່ອງໃນໂອກາດຕົ້ນປີໃໝ່ ຄ.ສ 2014, ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງ ໄດ້ມີບົດຂຽນທີ່ພາດຫົວຂໍ້ : “ ສ້າງລະບອບບັນຍັດໃຫ້ສົມບູນແບບ, ເສີມຂະຫຍາຍສິດເປັນເຈົ້າຂອງປະຊາຊົນ, ປະຕິບັດໜ້າທີ່ ປີ 2014 ຢ່າງມີໄຊ, ສ້າງພື້ນຖານພັດທະນາຢ່າງວ່ອງໄວ ແລະ ໝັ້ນຄົງ.

ບົດຂຽນຂອງ ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງ ລວມມີ 4 ພາກ. ໃນພາກທຳອິດ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງ ເນັ້ນໜັກເຖິງການສ້າງລະບອບບັນຍັດໃຫ້ສົມບູນແບບ, ເສີມຂະຫຍາຍສິດເປັນເຈົ້າຂອງປະຊາຊົນ. ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງ ຖືວ່າ ຫວນຄືນໄລຍະເກືອບ 30 ປີຜ່ານມາ, ບັນດາບາດກ້າວພັດທະນາຢ່າງກະໂດດຂັ້ນຂອງປະເທດຊາດລ້ວນແຕ່ຕິດພັນກັບການປ່ຽນໃໝ່ ມີລັກສະນະຕັດສິນກ່ຽວກັບລະບອບບັນຍັດ, ທາດແທ້ແມ່ນເປີດກ້ວາງປະຊາທິປະໄຕ, ປະຕິບັດກົນໄກຕະຫຼາດໃນການເຄື່ອນໄຫວເສດຖະກິດຊຶ່ງບາດກ້າວບຸກທະລຸໃຫຍ່ ແລະ ຮອບດ້ານແມ່ນຈາກກອງປະຊຸມໃຫຍ່ຄັ້ງທີ 6 ຂອງພັກ. ບັນດາລັດຖະນະໂຍບາຍປ່ຽນໃໝ່ທີ່ສອດຄ່ອງໄດ້ນຳຫວຽດນາມຈາກປະເທດດ້ອຍພັດທະນາກາຍເປັນປະເທດພວມພັດທະນາມີລາຍຮັບປານກາງ ແລະ ກິດຈະການລົບລ້າງຄວາມອຶດຫິວທຸກຍາກໄດ້ບັນລຸຜົນງານທີ່ໜ້າປະທັບໃຈ ແລະ ໄດ້ຮັບການຕີລາຄາສູງຈາກສາກົນ. ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງ ເນັ້ນໜັກວ່າ ປະຊາທິປະໄຕແມ່ນແນວຄິດໃຫຍ່ຂອງທ່ານປະທານໂຮ່ຈິມິນ. ປະຊາທິປະໄຕ ແລະ ລັດແຫ່ງອຳນາດນິຕິບັນຍັດ ແມ່ນຕ້ອງໄປຄຽງຄູ່ນຳກັນໃນລະບອບການເມືອງຍຸກທັນສະໄໝ. ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງ ເນັ້ນໜັກວ່າ ເພື່ອເສີມຂະຫຍາຍສິດເປັນເຈົ້າຂອງປະຊາຊົນເປັນຢ່າງດີ, ລັດຕ້ອງປະຕິບັດໜ້າທີ່ປັບປຸງ, ພັດທະນາເປັນຢ່າງດີ, ລັດຕ້ອງຮັບປະກັນ ແລະ ເສີມຂະຫຍາຍສິດເປັນເຈົ້າຂອງປະຊາຊົນຢ່າງແທ້ຈິງ.

ພາກທີ 2 ແມ່ນເວົ້າເຖິງການສ້າງລະບອບເສດຖະກິດຕະຫຼາດຕາມກຳນົດທິດສັງຄົມນິຍົມໃຫ້ສົມບູນແບບ ດ້ວຍຈຸດສຸມແມ່ນສ້າງສະພາບແວດລ້ອມແຫ່ງການແກ່ງແຍ້ງສະເໝີພາບ, ແລະ ປະຕິຮູບດ້ານການບໍລິຫານ. ໃນນັ້ນ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງ ເນັ້ນໜັກວ່າ ນີ້ແມ່ນບາດກ້າວບຸກທະລຸຍຸດທະສາດຊອ່ງໄດ້ຍົກອອກມາໃນມະຕິກອງປະຊຸມໃຫຍ່ຄັ້ງທີ 11 ຂອງພັກ.

ພາກທີ 3 ແມ່ນເນັ້ນໜັ້ກເຖິງການຍູ້ໄວການສ້າງໂຄງປະກອບກະສີກຳຕາມທິດຍົກສູງມູນຄ່າເພີ່ມ, ພັດທະນາແບບຍືນຍົງຕິດພັນກັບການກໍ່ສ້າງຊົນນະບົດໃໝ່. ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງ ເນັ້ນໜັກວ່າ ນີ້ແມ່ນເນື້ອໃນທີ່ສຳຄັນໃນການສ້າງໂຄງປະກອບເສດຖະກິດຄືນໃໝ່. ນີ້ແມ່ນຄຳຮຽກຮ້ອງທີ່ຮ້ອນເຮັ່ງຄວນໄດ້ຮັບການຜັນຂະຫຍາຍຢ່າງແຂງແຮງດ້ວຍຫຼາຍມາດຕະການຢ່າງຄົບຊຸດ, ໃນນັ້ນຕ້ອງສຸມໃສ່ປະຕິບັດການຍູ້ແຮງການນຳໃຊ້ວິທະຍາສາດເຕັກໂນໂລຢີ ແລະ ຈັດຕັ້ງການຜະລິດກະສີກຳຄືນໃໝ່.

ພາກທີ 4 : ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງ ໄດ້ສະຫຼຸບວ່າ 3 ປີທີ່ຜ່ານມາ, ນັບແຕ່ ກອງປະຊຸມໃຫຍ່ຄັ້ງທີ 11 ຂອງພັກ, ທົ່ວພັກ, ທົ່ວກອງທັບ, ທົ່ວປວງຊົນຕ້ອງປະເຊີນໜ້າກັບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ. ພວກເຮົາໄດ້ສະຫງວຽນເຫື່ອແຮງ, ແຫຼ່ງກຳລັງເພື່ອແກ້ໄຂບັນດາບັນຫາໃນສະເພາະໜ້າ ແລະ ໄດ້ບັນລຸບັນດາໝາກຜົນທີ່ສຳຄັນ. ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງ ເຊື່ອໝັ້ນວ່າ ດ້ວຍຄຸນນະທາດຂອງພັກ ແລະ ຂອງປະຊາຊົນ, ແນ່ນອນວ່າ ມັນຈະແຜ່ຂະຫຍາຍເພື່ອຍູ້ແຮງກິດຈະການປ່ຽນແປງໃໝ່ຕາມຈິດໃຈຂອງ ມະຕິກອງປະຊຸມໃຫຍ່ຄັ້ງທີ 11 ຂອງພັກ, ນຳພາລະກິດສ້າງສາ ແລະ ປົກປັກຮັກສາປະເທດຊາດໃຫ້ຂຶ້ນສູ່ລະດັບສູງໃໝ່, ເພື່ອປະເທດຫວຽດນາມສັງຄົມນິຍົມ - ປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ຍຸຕິທຳ ແລະ ສີວິໄລ.