(vovworld) – ວັນທີ 20/10, ພາຍຫຼັງໄດ້ຮັບໃບສະເໜີຂອງບາງສະຫະສະມາຄົມຂະແໜງອາຊີບ, ສານສູງສຸດເຂດບໍລິຫານພິເສດ ຮົງກົງ (ປະເທດ ຈີນ) ໄດ້ປະກາດຄຳສັ່ງຫ້າມຜູ້ແຫ່ຂະບວນປະທ້ວງສືບຕໍ່ຢືດຄອງຖະໜົນສາຍຕ່າງໆຢູ່ ມົງກົກ. ຄຳຕັດສິນດັ່ງກ່າວຂອງສານສູງສຸດ ມົງກົກ ໄດ້ຍົກອອກມາພາຍຫຼັງສະຫະສະມາຄົມ Taxi Mong Kok, ສະຫະສະມາຄົມຂັບລົດ Taxi Mong Kok ແລະ ບາງບໍລິສັດລົດເມຢູ່ເຂດນີ້ໄດ້ຍື່ນໃບຄຳຮ້ອງຂຶ້ນສານສູງສຸດ ຮຽກຮ້ອງໃຫ້ປະກາດໃຊ້ຄຳສັ່ງຫ້າມຜູ້ແຫ່ຂະບວນປະທ້ວງຢືດຄອງຖະໜົນ Nathan. ທະນາຍຄວາມຕາງໜ້າໃຫ້ບັນດາສະຫະສະມາຄົມນີ້ຖືວ່າ: ນັບແຕ່ເມື່ອຂະບວນການ “ຢືດຄອງໃຈກາງ” ເກີດຂຶ້ນກ່ອນນີ້ 3 ອາທິດ, ສະພາບການພວມສັບສົນຂຶ້ນຕື່ມ, ພິເສດແມ່ນເລື່ອງຢືດຄອງຖະໜົນ Nathan ຢູ່ ມົງກົກ ໄດ້ກໍ່ຜົນເສຍຫາຍຢ່າງໜັກໜ່ວງໃຫ້ຂະແໜງຂົນສົ່ງ.