ສານອວຍພອນ ເນື່ອງໃນໂອກາດວັນສາກົນ ສາມັກຄີ ກັບປະຊາຊົນປາແລັດສະຕິນ ຂອງ ສປຊ
(VOVWORLD) - ໃນສານອວຍພອນ, ທ່ານ ຫງວຽນຝູຈ້ອງ ໄດ້ຢັ້ງຢືນການສະໜັບສະໜູນ ແລະ ນ້ຳໃຈສາມັກຄີຂອງ ລັດ ແລະ ປະຊາຊົນ ຫວຽດນາມ ທີ່ມີຕໍ່ປະຊາຊົນປາແລັດສະຕິນ ໃນບັ້ນຕໍ່ສູ້ທີ່ຊອບທຳກ່ຽວກັບບັນດາສິດອັນເປັນພື້ນຖານຂອງຊາດຕົນ.
 ປະຊາຊົນປາແລັດສະຕິນ (ພາບ: THX/TTXVN) |
ເນື່ອງໃນໂອກາດວັນສາກົນສາມັກຄີ ກັບປະຊາຊົນປາແລັດສະຕິນ ຂອງ ສປຊ (ຄືວັນທີ 1 ທັນວາ 2020), ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດ ຫວຽດນາມ ໄດ້ສົ່ງສານອວຍພອນເຖິງທ່ານ Antonio Guterres, ເລຂາທິການໃຫຍ່ ສປຊ, ທ່ານ Cheikh Niang ປະທານຄະນະກຳມະການຂອງ ສປຊ ກ່ຽວກັບບັນດາສິດທິທີ່ບໍ່ອາດລ່ວງລ້ຳໄດ້ຂອງປະຊາຊົນປາແລັດສະຕິນ ແລະ ທ່ານ Mahmoud Abbas ປະທານາທິບໍດີ ລັດປາແລັດສະຕິນ. ໃນສານອວຍພອນ, ທ່ານ ຫງວຽນຝູຈ້ອງ ໄດ້ຢັ້ງຢືນການສະໜັບສະໜູນ ແລະ ນ້ຳໃຈສາມັກຄີຂອງ ລັດ ແລະ ປະຊາຊົນ ຫວຽດນາມ ທີ່ມີຕໍ່ປະຊາຊົນປາແລັດສະຕິນ ໃນບັ້ນຕໍ່ສູ້ທີ່ຊອບທຳກ່ຽວກັບບັນດາສິດອັນເປັນພື້ນຖານຂອງຊາດຕົນ.