ສານໄທອອກຄຳສັ່ງຈັບຕົວຫົວໜ້າການແຫ່ຂະບວນປະທ້ວງ
ທ່ານ ສຸເທບ ເທືອກສຸບັນ
(vovworld) – ຄຳສັ່ງຈັບຕົວທ່ານ ສຸເທບ ເທືອກສຸບັນ ໄດ້ຖືກສານອາຍາ ໄທ ປະກາດໃຊ້ໃນວັນທີ 2/12, ດ້ວຍການກ່າວຫາກໍ່ການຈາລະຈົນໂຄ່ນລົ້ມລັດຖະບານ. ຕາມຄຳສັ່ງດັ່ງກ່າວຂອງສານແລ້ວ, ທ່ານ ສຸເທບ ເທືອກສຸບັນ, ອະດີດສະມາຊິກພັກປະຊາທິປັດ ແລະ ກໍ່ແມ່ນອະດີດຮອງນາຍົກລັດຖະມົນຕີ ໄທ, ຖືກກ່າວຫາການກະທຳຜິດພາດກັບລັດຖະທຳມະນູນ ແລະ ຍຸຍົງສົ່ງເສີມກໍ່ຈາລະຈົນ. ກ່ອນໜ້ານັ້ນ, ທ່ານ ສຸເທບ ເທືອກສຸບັນ ກໍ່ຖືກສານອາຍາໄທ ກ່າວຜູກໂທດຍຸຍົງສົ່ງເສີມປະຊາຊົນນັບພັນຄົນເຂົ້າຮ່ວມການແຫ່ຂະບວນປະທ້ວງ ບຸກເຂົ້າສຳນັກງານກະຊວງການເງິນ, ກະຊວງການຕ່າງປະເທດ ແລະ ຫຼາຍອົງການຂຶ້ນກັບກະຊວງນີ້ເມື່ອວັນທີ 25/11. ນອກຈາກນັ້ນ, ຕົວພະຍານ 4 ຄົນທີ່ນຳໜ້າກຸ່ມມີຊື່ວ່າ “ເຄືອຂ່າຍນັກສຶກສາ ແລະ ປະຊາຊົນເພື່ອການປະຕິຮູບໄທ” ກໍ່ຖືກສານອອກຄຳສັ່ງຈັບຕົວດ້ວຍຄຳຫ່າວຫາບຸກເຂົ້າ ແລະ ທຳລາຍສຳນັກງານແຫ່ງລັດ.
ແລະກໍ່ໃນວັນດຽວກັນ, ບັນດາການແຫ່ຂະບວນປະທ້ວງຖືກຈັດຂຶ້ນຢູ່ສຳນັກງານລັດຖະບານ ແລະ ສຳນັກງານຕຳຫຼວດ ບາງກອກ ມີທ່າເພີ່ມຂຶ້ນ. ຕໍ່ໜ້າກະແສຟອງແຫ່ຂະບວນປະທ້ວງນັບມື້ນັບເພີ່ມຂຶ້ນ, ກຳລັງຕຳຫຼວດ ໄທ ຕ້ອງໃຊ້ທໍ່ສີດນ້ຳ ແລະ ແກັດນ້ຳຕາເພື່ອເລີກກຸ່ມຄົນແຫ່ຂະບວນ. ການແຫ່ຂະບວນປະທ້ວງນີ້ໄດ້ຮັບການຕີລາຄາວ່າແມ່ນການແຫ່ຂະບວນປະທ້ວງມີຂອບຂະໜາດໃຫຍ່ສຸດຢູ່ໄທ ນັບແຕ່ປີ 2010.