ສຳນັກຂ່າວສານຫວຽດ ນາມ ສະເຫຼີມສະຫຼອງ 55 ປີແຫ່ງວັນສ້າງຕັ້ງຄະນະ ບັນນາທິການພາບ
ນັກຂ່າວ - ນັກຮົບເສຍສະຫຼະຊີວິດເພື່ອຊາດ Luong Nghia Dung ຜູ້ເຄີຍມີໜ້າຢູ່ສະໜາມຮົບເສັ້ນທາງເລກ 9 ພາກໃຕ້ລາວ
(ພາບ: TT&VH)
(vovworld) - ເພື່ອເປັນການສະເຫຼີມສະຫຼອງວັນສື່ມວນຊົນປະຕິວັດຫວຽດນາມ (21/6),ຕອນເຊົ້າວັນທີ 19/6, ສຳນັກຂ່າວສານຫວຽດນາມ ໄດ້ຈັດຕັ້ງພິທີສະເຫຼີມສະຫຼອງ 55 ປີແຫ່ງວັນສ້າງຕັ້ງຄະນະບັນນາທິການພາບ (1957 – 2012) ແລະ ຕ້ອນຮັບຫຼຽນໄຊເອກະລາດຊັ້ນ 3 ຢ່າງສົມກຽດ. ກ່າວຄຳເຫັນໄຂພິທີ, ທ່ານ Nguyen Duc Loi, ຜູ້ອຳນວຍການໃຫຍ່ສຳນັກຂ່າວສານຫວຽດນາມ ໃຫ້ຮູ້ວ່າ: ເລື່ອງຄະນະບັນນາທິການພາບໄດ້ຮັບຫຼຽນໄຊເອກະລາດຊັ້ນ 3 ແມ່ນລາງວັນອັນສູງສົ່ງຂອງພັກ ແລະ ລັດ, ແມ່ນຄວາມເອກອ້າງທະນົງໃຈ, ແມ່ນຄວາມຮັບຮູ້ບັນດາຜົນງານອັນໃຫຍ່ຫຼວງຂອງພະນັກງານຄະນະບັນນາທິການພາບຕໍ່ພາລະກິດສື່ມວນຊົນປະຕິວັດຂອງປະເທດຊາດ.
ໂດຍຕາງໜ້າພັກ ແລະ ລັດ, ທ່ານຮອງປະທານສະພາແຫ່ງຊາດຫວຽດນາມ Uong Chu Luu ໄດ້ມອບຫຼຽນໄຊ ເອກະລາດຊັ້ນ 3 ໃຫ້ແກ່ຄະນະບັນນາທິການພາບຂອງສຳນັກຂ່າວສານຫວຽດນາມ. ກ່າວຄຳເຫັນນະທີ່ນີ້, ທ່ານຮອງປະທານສະພາແຫ່ງຊາດຫວຽດນາມ Uong Chu Luu ເນັ້ນໜັກວ່າ: ເພື່ອໃຫ້ມີບັນດາແຜ່ນພາບທີ່ລ້ຳຄ່າຮັບໃຊ້ໃຫ້ແກ່ວິວັດການພັດທະນາຂອງປະເທດຊາດ ແມ່ນວິວັດການສູ້ຊົນ, ເສຍສະຫຼະ ແລະ ບໍ່ຮູ້ອິດຮູ້ເມື່ອຍຂອງຖັນແຖວນັກຂ່າວຂອງ ຄະນະບັນນາທິການພາບ ຂອງສຳນັກຂ່າວສານຫວຽດນາມ. ທ່ານຮອງປະທານສະພາແຫ່ງຊາດ ກໍສະແດງຄວາມຫວັງວ່າ: ດ້ວຍມູນເຊື້ອຂອງຕົນ, ສຳນັກຂ່າວສານຫວຽດນາມ ຈະບັນລຸໄດ້ບັນດາຜົນງານທີ່ດີເດັ່ນໃໝ່, ປະກອບສ່ວນເຂົ້າໃນພາລະກິດສ້າງສາ ແລະ ພັດທະນາປະເທດຊາດ.