ສຳເນົາເອກະສານ ເຫຼື້ອມໄສບູຊາເຈົ້າຊີວິດຮຸ່ງ ຈະໄດ້ຮັບການ ຮັບຮອງຈາກ UNESCO
ພິທີໄຫວ້ບູຊາເຈົ້າຊີວິດຮຸ່ງຖືກຈັດຂຶ້ນໃນແຕ່ລະປີ (ພາບ: baophutho)
|
Vovworld- ສຳເນົາເອກະສານກ່ຽວກັບການເຫຼື້ອມໄສບູຊາເຈົ້າຊີວິດຮຸ່ງຢູ່ແຂວງຟູ້ເຖາະ ແມ່ນຖືກນອນໃນຈຳນວນ 18 ມໍລະດົກໄດ້ຮັບການສະເໜີຮັບຮອງຢູ່ທີ່ກອງປະຊຸມຄະນະກຳມາທິການລະຫວ່າງລັດຖະບານຂອງສົນທິສັນຍາປີ 2003 ກ່ຽວກັບມໍລະດົກວັດທະນະທຳບໍມີຮູບຮ່າງຢູ່ ປາຣີໃນທ້າຍອາທິດໜ້າ. ນັ້ນແມ່ນຄຳຢືນຢັນຂອງທ່ານນາງ Cécile Duvelle ຫົວໜ້າຄະນະເລຂານຸການຂອງສົນທິສັນຍາປີ 2003 ກ່ຽວກັບການອະນຸລັກມໍລະດົກວັດທະນະທຳບໍມີຮູບຮ່າງທີ່ການປະຊຸມຂ່າວເມື່ອວັນທີ 28/11ຢູ່ປາຣີ. ທ່ານນາງ Cécile Duvelle ໄດ້ຕີລາຄາສູງສຳເນົາເອກະສານຂອງຫວຽດນາມທີ່ຍືນສະເໜີໃນປີນີ້ ແລະ ຢືນຢັນວ່າ ໃນຄັ້ງນີ້ ຫວຽດນາມມີກາລະໂອກາດໄດ້ຮັບການເຊີດຊູ 2 ຄັ້ງ. ທີ່ 1 ແມ່ນສຳເນົາເອກະສານກ່ຽວກັບການເຫຼື້ອມໄສບູຊາເຈົ້າຊີວິດຮຸ່ງ, ທີ່ 2 ແມ່ນບົດລາຍງານກ່ຽວກັບວຽກງານອະນຸລັກຮັກສາມໍລະດົກ ”. ທ່ານນາງ Cécile Duvelle ກ່າວວ່າ :
“ ຫວຽດນາມໄດ້ຕັ້ງໜ້າແຕ່ດົນນານມາແລ້ວ ແລະ ໃນປີນີ້ແມ່ນຮອດຫວຽດນາມ ຈະສະແດງໃຫ້ໂລກເຫັນທຸກສິ່ງທີ່ພວກເພື່ອນໄດ້ເຮັດ, ບັນດາຄວາມມານະພະຍາຍາມສັງລວມ, ການເຄື່ອນໄຫວຂອງບັນດາຄະນະກຳມາທິການ, ສະຖາບັນອະນຸລັກ. ຫວຽດນາມໄດ້ຖືກເຕື້ອງເຖິງຫຼາຍໃນບັນດາບົດລາຍງານຂອງຄະນະກຳມາທິການມໍລະດົກເພາະໄດ້ມີບັນດາມາດຕະການ, ວິທີການອະນຸລັກຮັກສາມໍລະດົກທີ່ໜ້າສົນໃຈ. ແລະ ພິເສດຫວຽດນາມໄດ້ນຳບັນຫາ ອະນຸລັກຮັກສາມໍລະດົກເຂົ້າໃນຍຸດທະສາດພັດທະນາແບບຍືນຍົງຂອງປະເທດຊາດອີກດ້ວຍ ”