(vovworld) - ວັນທີ 08/03, ຢູ່ນະຄອນໂຮ່ຈິມິນ, ຄະນະຊີ້ນຳການສະຫຼຸບ 30 ປີແຫ່ງການປ່ຽນໃໝ່ສົມທົບກັບຄະນະພັກນະຄອນໂຮ່ຈິມິນ ຈັດຕັ້ງກອງປະຊຸມສຳມະນາວິທະຍາສາດ “ບາງບັນຫາດ້ານທິດສະດີ - ພຶດຕິກຳຕົວຈິງພື້ນຖານກ່ຽວກັບການພັດທະນາເສດຖະກິດການຕະຫຼາດຕາມກຳນົດທິດສັງຄົມນິ້ຍົມ”. ກ່າວຄຳເຫັນທີ່ກອງປະຊຸມສຳມະນາ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ ເນັ້ນໜັກວ່າ.
“ຢືດໝັ້ນການພັດທະນາຕາມຮູບແບບດັ່ງກ່າວ, ພາຍຫຼັງເກືອບ 30 ປີແຫ່ງການປ່ຽນໃໝ່ ບັນດາປັດໃຈສ້າງເປັນໂຄງປະກອບເສດຖະກິດການຕະຫຼາດຕາມທິດສັງຄົມນິຍົມຂອງຫວຽດນາມ ໄດ້ຮັບການສ້າງຕັ້ງ ແລະ ນຳເຂົ້າເຄື່ອນໄຫວ, ສຳເລັດເທື່ອລະກ້າວ. ບັນດາຜົນງານກ່ຽວກັບການປ່ຽນໃໝ່ເສດຖະກິດ ແລະ ການເມືອງ ໄດ້ສ້າງບັນຍາກາດປະຊາທິປະໄຕໃໝ່ໃນສັງຄົມ, ສ້າງກຳລັງໜູນໃໝ່ເພື່ອນຳປະເທດຊາດ ບໍ່ພຽງແຕ່ໄດ້ຫຼຸຸດພົ້ນອອກຈາກວິກິດການເສດຖະກິດເທົ່ານັ້ນ ຫາກຍັງນຳປະເທດກ້າວຂຶ້ນສູ່ກຸ່ມບັນດາປະເທດມີລາຍຮັບປານກາງ, ປ່ຽນໃໝ່ໂສມໜ້າປະເທດຊາດດຍພື້ນຖານ, ບັນລຸໄດ້ບັນດາຜົນງານທີ່ພົ້ນເດັ່ນກ່ຽວກັບການລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກ, ກຳລັງແຮງສັງລວມຂອງປະເທດຊາດ ໄດ້ຮັບການເພີ່ມຂຶ້ນຢ່າງຈະແຈ້ງອີກດ້ວຍ.”