ສ.ເກົາຫຼີ - ຈີນ ເຫັນດີເປັນເອກະພາບ ຊຸກຍູ້ການເຈລະຈາເປີດກວ້າງຂອບຂະໜາດ FTA ສອງຝ່າຍ
(VOVWORLD) - ຫ້ອງວ່າການ ປະທານາທິບໍດີ ສ.ເກົາຫຼີ ໃຫ້ຮູ້ວ່າ: ໃນວັນທີ 23 ທັນວາ, ທ່ານ Moon Jae-in ປະທານາທິບໍດີ ສ.ເກົາຫຼີ ແລະ ທ່ານ ຫລີເຄີສຽງ ນາຍົກລັດຖະມົນຕີ ຈີນ ໄດ້ເຫັນດີເປັນເອກະພາບຊຸກຍູ້ການປຶກສາຫາລືກ່ຽວກັບການເປີດກວ້າງຂອບຂະໜາດຂໍ້ຕົກລົງການຄ້າເສລີ (FTA) ສອງປະເທດ.
 ທ່ານ Moon Jae-in ປະທານາທິບໍດີ ສ.ເກົາຫຼີ (ພາບ: YONHAPNEWS) |
ໃນການພົບປະກັບທ່ານ ຫລີເຄີສຽງ ຢູ່ ເຈິ້ງຕູ, ປະເທດຈີນ, ທ່ານ Moon Jae-in ໄດ້ສະເໜີກ່ຽວກັບການຍົກສູງລະດັບການຮ່ວມມືດ້ານເສດຖະກິດຜ່ານບັນດາການເຈລະຈາທີ່ໄດ້ຮັບການຈັດຕັ້ງກ່ຽວກັບການບໍລິການ ແລະ ການລົງທຶນ, ເພື່ອແນໃສ່ເປີດກ້ວາງຂອບຂະໜາດ FTA ເຊິ່ງເປັນສັນຍາທີ່ມີຜົນສັກສິດແຕ່ທ້າຍປີ 2015.
ແລະກໍ່ໃນວັນດຽວກັນ, ທ່ານ Moon Jae-in ໄດ້ມີການເຈລະຈາກັບທ່ານປະທານປະເທດຈີນ ສີຈິ້ນຜິງ ຢູ່ນະຄອນປັກກິ່ງ ໃນຂອບເຂດການຢ້ຽມຢາມຈີນເພື່ອເຂົ້າຮ່ວມກອງປະຊຸມສຸດຍອດ 3 ຝ່າຍ ຈີນ - ຍີ່ປຸ່ນ - ສ.ເກົາຫຼີ ທີ່ຈະໄດ້ຮັບການຈັດຕັ້ງຢູ່ ນະຄອນ ເຈິ້ງຕູ, ປະເທດຈີນ.