ພາບປະກອບ: TTXVN

ໃນລະຫວ່າງວັນທີ 29 ສິງຫາ ຫາວັນທີ 8 ກັນຍາ, ຫ້ອງການຊັບສິນທາງປັນຍາ ສ.ເກົາຫຼີ ແລະ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດຊຸດບຳລຸງສ້າງເພີ່ມທະວີຄວາມຮັບຮູ້ ແລະ ຍົກສູງກຳລັງຄວາມສາມາດທາງດ້ານຊັບສິນທາງປັນຍາ ໃຫ້ແກ່ບັນດາປະເທດ ອາຊຽນ. ຊຸດບຳລຸງສ້າງໄດ້ດຳເນີນຕາມຮູບແບບທາງໄກ ແລະ ນອນໃນໂຄງການບຳລຸງສ້າງທົ່ວໂລກ ຂອງ KOICA ທີ່ໄດ້ປະຕິບັດໃນໄລຍະເວລາ 3 ປີນັບແຕ່ປີ 2020.

ຊຸດບຳລຸງສ້າງຄັ້ງນີ້ ມີການເຂົ້າຮ່ວມຂອງລັດຖະກອນ 20 ຄົນ ທີ່ຮັບຜິດຊອບກ່ຽວກັບສິດຊັບສິນທາງປັນຍາ ຢູ່ 7 ປະເທດ ອາຊຽນ ທີ່ມີການພົວພັນຮ່ວມມືກັບ ສ.ເກົາຫຼີຢ່າງແໜ້ນແຟ້ນຄື: ຫວຽດນາມ, ກຳປູເຈຍ, ອິນໂດເນເຊຍ, ມາເລເຊຍ, ຟີລິບປິນ, ໄທ ແລະ ລາວ. ສ.ເກົາຫຼີ ມີຄວາມຫວັງຢາກເພີ່ມທະວີຄວາມຮັບຮູ້ ແລະ ກຳລັງຄວາມສາມາດໃນຂົງເຂດນີ້ຢູ່ບັນດາປະເທດ ອາຊຽນ ແລະ ສ້າງສະພາບແວດລ້ອມແຫ່ງຄວາມເປັນມິດ ໃຫ້ແກ່ບັນດາບໍລິສັດສົ່ງອອກສ.ເກົາຫຼີ ແລະ ບັນດາບໍລິສັດທ້ອງຖິ່ນພ້ອມກັນພັດທະນາ.