(ເຂດອຸດສາຫະກຳ Keasong)
(vovworld) - ວັນທີ 30/03, ລັດຖະບານ ສ.ເກົາຫຼີ ໃຫ້ຮູ້ວ່າ ປະເທດນີ້ບໍ່ປ່ຽນແປງນະໂຍບາຍຮັກສາການເຄື່ອນໄຫວຢູ່ເຂດອຸດສາຫະກຳ Keasong. ຕໍ່ໜ້າເລື່ອງ ສປປ.ເກົາຫຼີ ປະກາດສະພາວະສົງຄາມກັບ ສ.ເກົາຫຼີ ແລະ ນາບຂູ່ວ່າ ຈະປິດປະຕູເຂດອຸດສາຫະກຳນີ້, ເຊີອູນ ໄດ້ຖະແຫຼງວ່າ ເລື່ອງ ສປປ.ເກົາຫຼີ ນາບຂູ່ຈະປິດປະຕູເຂດອຸດສາຫະກຳ Keasong ຈະບໍ່ນຳມາເຊິ່ງຜົນປະໂຫຍດໃຫ້ການພັດທະນາອຸດສາຫະກຳ ກໍຄືການພົວພັນລະຫວ່າງ 2 ພາກເກົາຫຼີ. ຂ່າວຍັງໃຫ້ຮູ້ວ່າ, ພາຍຫຼັງທີ ສປປ,ເກົາຫຼີປະກາດສະພາວະສົງຄາມກັບ ສ.ເກົາຫຼີ ແລະ ຈະແກ້ໄຂທຸກໆບັນຫາລະຫວ່າງ 2 ປະເທດຕາມເງື່ອນໄຂສົງຄາມ, ອົງການເຈົ້າໜ້າທີ່ບາງປະເທດໄດ້ອອກສຽງສະແດງຄວາມວິຕົກກັງວົນ. ທ່ານລັດຖະມົນຕີການຕ່າງປະເທດ ອົດສຕາລີ Bob Carr ໄດ້ຖືວ່າ ການກະທຳໃໝ່ນີ້ຈະເຮັດໃຫ້ເພີ່ມການນາບຂູ່ຕໍ່ຄວາມປອດໄພໃນພາກພື້ນ. ທ່ານກໍໃຫ້ຮູ້ວ່າ Canbera ພວມພິຈາລະນາການຈັດວາງຄຳສັ່ງລົງໂທດຕໍ່ພຽງຢາງ. ເຈົ້າໜ້າທີ່ການຕ່າງປະເທດລັດເຊຍ ຜູ້ຮັບຜິດຊອບບັນດາເກົາຫຼີ ທ່ານ Grigory Logvinov ໄດ້ຮຽກຮ້ອງໃຫ້ບັນດາຝ່າຍຈົ່ງລະງັບໃຈ ແລະ ປະຕິບັດໜ້າທີ່ຮັບຜິດຊອບຢ່າງສູງ.