ສ.ເກົາຫຼີ ແລະ ບັນດາປະເທດ ອາຊຽນ ເຂົ້າຮ່ວມການຝຶກຊ້ອມຮັບມືກ່ຽວກັບຄວາມປອດໄພທາງເຄືອຂ່າຍອິນເຕີເນັດ
(VOVWORLD) - ວັນທີ 10 ພະຈິກ, ກະຊວງປ້ອງກັນປະເທດ ສ.ເກົາຫຼີ ແຈ້ງໃຫ້ຊາບວ່າ ປະເທດນີ້ ໄດ້ຈັດການຝຶກຊ້ອມຮັບມືກ່ຽວກັບຄວາມປອດໄພທາງເຄືອຂ່າຍອິນເຕີເນັດ ດ້ວຍການເຂົ້າຮ່ວມຂອງບັນດາປະເທດສະມາຊິກ ອາຊຽນ ແລະ ຫຼາຍປະເທດອື່ນໆ ແນໃສ່ຍົກສູງກຳລັງຄວາມສາມາດຮັບມືກັບໄຟນາບຂູ່ທາງເຄືອຂ່າຍອິນເຕີເນັດ.
 ບັນດາຜູ້ແທນເຂົ້າຮ່ວມກອງປະຊຸມສຸດຍອດ ລັດຖະມົນຕີກະຊວງປ້ອງກັນປະເທດ ບັນດາປະເທດ ອາຊຽນ ເປີດກວ້າງ (ພາບ: Yonhap) |
ການຝຶກຊ້ອມຮັບມືມີຊື່ວ່າ “Cyber Training and Exercise” (CYTREX) ໂດຍມີການເຂົ້າຮ່ວມແບບເຊິ່ງໜ້າຂອງຜູ້ຕາງໜ້າມາຈາກ 17 ປະເທດ ພາຄີກອງປະຊຸມລັດຖະມົນຕີກະຊວງປ້ອງກັນປະເທດບັນດາປະເທດ ອາຊຽນ ເປີດກວ້າງ (ADMM+). ນີ້ແມ່ນການຝຶກຊອ້ມ CYTREX ຄັ້ງທຳອິດ ນັບແຕ່ເມື່ອ ໂຄວິດ - 19 ແຜ່ລະບາດ.
ຕາມກະຊວງປ້ອງກັນປະເທດ ສ.ເກົາຫຼີ ແລ້ວ, ການຝຶກຊ້ອມດັ່ງກ່າວ ລວມມີການເຄື່ອນໄຫວສືບສວນຫຼາຍກໍລະນີບຸກໂຈມຕີທາງເຄືອຂ່າຍອິນເຕີເນັດ, ກໍຄືໄຈ້ແຍກລະຫັດທີ່ເປັນໄວຣັດໃນແບບຈຳລອງ, ສ້າງຂີດໝາຍເປັນຄັ້ງທຳອິດທີ່ບັນດາປະເທດເຂົ້າຮ່ວມການຝຶກຊ້ອມຮັບມືກ່ຽວກັບເຄືອຂ່າຍ ຜ່ານບັນດາເຄືອຂ່າຍເຊື່ອມຕໍ່ຮ່ວມສຳພັນຂ້າມຊາຍແດນ.