(vovworld) - ວັນທີ 14/06, ສ.ເກົາຫຼີ ໄດ້ພົບຫັນ 7 ກໍລະນີຕິດພະຍາດລະບົບຫາຍໃຈຊຸດໂຊມຮຸນແຮງ MERS ຕື່ມອີກ, ຍົກຈຳນວນຜູ້ຖືກຕິດພະຍາດຢູ່ທີ່ນີ້ຂຶ້ນເຖິງ 145 ຄົນ. ຕາມກະຊວງສາທາລະນະສຸກສ.ເກົາຫຼີ, ໃນຈຳນວນ 7 ກໍລະນີດັ່ງກ່າວ, ມີ 4 ຄົນຖືກຕິດພະຍາດເມື່ອປິ່ນປົວພະຍາດຢູ່ສູນສາທາລະນະສຸກ Samsung ຢູ່ ເຊີອູນ, ເປັນໜຶ່ງໃນບັນດາໂຮງໝໍເຊິ່ງລັດຖະບານສ.ເກົາຫຼີ ປະກາດແມ່ນມີພະຍາດ MERS. 2 ກໍລະນີອື່ນຖືກສົງໄສວ່າຕິດພະຍາດຢູ່ໂຮງໝໍແຕກຕ່າງກັນ. ໄລ່ຮອດວັນທີ 14/06, ສ.ເກົາຫຼີ ມີ 14 ກໍລະນີເສຍຊີວິດທີ່ກ່ຽວຂ້ອງເຖິງພະຍາດ MERS ແລະ ກວ່າ 4.000 ຄົນ ຕ້ອງແຍກຕົວຍ້ອນສົງໄສຖືກຕິດພະຍາດດັ່ງກ່າວ.