ລົດຂົນສົ່ງອຸປະກອນທີ່ຈຳເປັນໃຫ້ກຳມະກອນ ສເກົາຫຼີ ຢູ່ເຂດອຸດສາຫະກຳ Kaesong
(ພາບ: AFP/TTXVN)
(vovworld) – ວັນທີ 29/4, ລັດຖະບານສ ເກົາຫຼີ ໃຫ້ຮູ້ວ່າ ປະເທດນີ້ໄດ້ສ້າງຕັ້ງກຸ່ມສະເພາະກິດ ເພື່ອໜູນຊ່ວຍໃຫ້ບັນດາວິສາຫະກິດທີ່ເຄື່ອນໄຫວຢູ່ເຂດອຸດສາຫະກຳລວມ Kaesong . ແຈ້ງການຂອງຫ້ອງວ່າການລັດຖະບານສເກົາຫຼີ ໃຫ້ຮູ້ວ່າ “ກຸ່ມສະເພາະກິດຈະວາງແຜນຕີລາຄາ, ຢັ້ງຢືນບັນດາຄວາມເສຍຫາຍ ເຊິ່ງບັນດາວິສາຫະກິດຂອງປະເທດນີ້ປະສົບ ເມື່ອເຂດອຸດສາຫະກຳ Kaesong ຖືກຢຸດຕິການເຄື່ອນໄຫວ ພ້ອມທັງສະເໜີບັນດາມາດຕະການໜູນຊ່ວຍທີ່ຈຳເປັນ“. ທີ່ກອງປະຊຸມທຳອິດຂອງກຸ່ມ ເຊິ່ງດຳເນີນໃນວັນທີ 29/4, ບັນດາສະມາຊິກຈະສຸມໃສ່ປຶກສາຫາລືບັນດາມາດຕະການໜູນຊ່ວຍວິສາຫະກິດ, ໃນນັ້ນລວມມີເລື່ອງກຳນົດບ້ວງໜີ້ສິນ ຈາກກອງທຶນຮ່ວມມືລະຫວ່າງສອງພາກເກົາຫຼີ. ນອກນັ້ນ, ກຸ່ມກໍ່ຈະຍົກອອກບັນດາມາດຕະການທີ່ມີປະສິດທິຜົນ ເພື່ອແນໃສ່ຈຳກັດຄວາມເສຍຫາຍໃຫ້ແກ່ບັນດາວິສາຫະກິດຢູ່ Kaesong.