ສ.ເກົາຫຼີໜູນຊ່ວຍການຫັນລະບົບພະຍາກອນແລະເຕືອນໄພທຳມະຊາດເປັນທັນສະໄໝຢູ່ພາກຕາເວັນອອກສ່ຽງເໜືອ
(ພາບປະກອບ)
(vovworld) – ໃນຂອບເຂດການຮ່ວມມືກ່ຽວກັບອຸຕຸນິຍົມອຸທົກກະສາດລະຫວ່າງ ຫວຽດນາມ ແລະ ສ.ເກົາຫຼີ. ວັນທີ 28/10 ຢູ່ແຂວງ ກວາງນິງ ສູນອຸຕຸນິຍົມອຸທົກກະສາດ ແຫ່ງຊາດສົມທົບກັບກົມໃຫຍ່ອຸຕຸນິຍົມ ສ.ເກົາຫຼີ ຈັດຕັ້ງກອງປະຊຸມສຳມະນາ “ດຳເນີນໂຄງການຫັນລະບົບພະຍາກອນອາກາດ ແລະ ເຕືອນໄພທຳມະຊາດເປັນທັນສະໄໝທີ່ສະຖານີອຸຕຸນິຍົມອຸທົກກະສາດພາກຕາເວັນອອກສ່ຽງເໜືອ”. ຫວຽດນາມ ນອນໃນໃຈກາງພາຍຸຂອງ ພາກຕາເວັນຕົກປາຊີຟິກ ແລະ ແມ່ນໜຶ່ງໃນ 5 ເຂດທີ່ມີພາຍຸເກີດຂຶ້ນຫລາຍທີ່ສຸດໃນໂລກ, ເພາະສະນັ້ນ ເພື່ອແນໃສ່ເພີ່ມທະວີຄວາມສາມາດປະຕິບັດໜ້າທີ່ປ້ອງກັນຕ້ານໄພທຳມະຊາດ, ຫວຽດນາມ ແລະ ສ.ເກົາຫຼີ ໄດ້ເຊັນບົດບັນທຶກຊ່ວຍຈຳຮ່ວມມືກ່ຽວກັບອຸຕຸນິຍົມ. ໜຶ່ງໃນບັນດາການຮ່ວມມືທີ່ປະສົບຜົນສຳເລັດລະຫວ່າງ 2 ຝ່າຍໄດ້ສະແດງອອກຜ່ານໂຄງການຫັນລະບົບພະຍາກອນອາກາດ ແລະ ເຕືອນໄພທຳມະຊາດເປັນທັນສະໄໝຢູ່ສະຖານີອຸຕຸນິຍົມອຸທົກກະສາດພາກຕາເວັນອອກສ່ຽງເໜືອ. ກອງປະຊຸມສຳມະນາກໍແມ່ນກາລະໂອກາດ ເພື່ອໃຫ້ບັນດານັກຊ່ຽວຊານ ສ.ເກົາຫຼີ ແບ່ງປັນບົດຮຽນ, ບຳລຸງສ້າງ ແລະ ຖ່າຍທອດເຕັກໂນໂລຢີໃນການພະຍາກອນອາກາດກໍຄືການນຳໃຊ້ຄຸ້ມຄອງຕາໜ່າງສະຖານີພະຍາກອນອາກາດ ແລະ ລະດັບນ້ຳແບບອັດຕະໂນມັດໃຫ້ແກ່ບັນດາພະນັກງານເຕັກນິກຂອງສູນອຸຕຸນິຍົມອຸທົກກະສາດແຫ່ງຊາດ ແລະ ສະຖານີອຸຕຸນິຍົມອຸທົກກະສາດພາກຕາເວັນອອກສ່ຽງເໜືອ