ສ.ເກົາຫຼີໜູນຊ່ວຍວິ ສາຫະກິດຫວຽດນາມ ປ່ຽນໃໝ່ຕິດພັນກັບ ສິ່ງແວດລ້ອມ
(ພາບ: Đình Huệ/TTXVN)
(vovworld)- ກອງປະຊຸມສຳມະນາສາກົນ “ໃຫ້ຄຳປຶກສາປ່ຽນໃໝ່ຕິດພັນກັບສິ່ງແວດລ້ອມໃຫ້ແກ່ວິສາຫະກິດຂະໜາດກາງ ແລະ ນ້ອຍຫວຽດນາມ-ບົດຮຽນຂອງ ສ.ເກົາຫຼີ“ ໄດ້ຈັດຂຶ້ນໃນຕອນເຊົ້າວັນທີ 30/5 ຢູ່ນະຄອນໂຮ່ຈິມິນ. ນີ້ແມ່ນການເຄື່ອນໄຫວໃນຂອບເຂດການຮ່ວມມືລະຫວ່າງລັດຖະບານສ.ເກົາຫຼີ-ອົງການບໍລິຫານ ວິສາຫະກິດຂະໜາດກາງ ແລະ ນ້ອຍ, ອົງການຮ່ວມມືອາຊີ-ເອີລົບກ່ຽວກັບການໃຫ້ຄຳປຶກສາປ່ຽນໃໝ່ຕິດພັນກັບສິ່ງແວດລ້ອມໃຫ້ແກ່ວິສາຫະກິດຂະໜາດກາງ ແລະ ນ້ອຍຫວຽດນາມ.
ທີ່ກອງປະຊຸມສຳມະນາ, ບັນດານັກປາຖະກະຖາຂອງ ຫວຽດນາມ- ສ.ເກົາຫຼີ ໄດ້ແບ່ງປັນບັນດາບົດຮຽນກ່ຽວກັບບົດບາດຂອງວິທະຍາສາດ-ເຕັກໂນໂລຊີໃນການພັດທະນາວິສາຫະກິດຂະໜາດກາງ ແລະ ນ້ອຍຫວຽດນາມ; ແນະນຳເນື້ອໃນຄຳປຶກສາ ແລະ ການບຸລິມະສິດຂອງໂຄງການຂອງໂຄງການປ່ຽນໃໝ່ຊີວະພາບ, ຂັ້ນຕອນການໃຫ້ຄຳປຶກສາຊີວະພາບໃຫ້ແກ່ວິສາຫະກິດ. ພ້ອມກັນນັ້ນໄດ້ຍົກອອກບັນດາມາດຕະການ, ແຜນການຜັນຂະຫຍາຍທີ່ເໝາະສົມເພື່ອແນ່ໃສ່ປະຕິຮູບສະມັດຕະພາບ, ຄຸນນະພາບຜະລິດຕະພັນ ແລະ ການບໍລິການຍົກສູງຄວາມສາມາດແກ່ງແຍ້ງທົ່ວໂລກໃຫ້ແກ່ວິສາຫະກິດ./.