ເວທີປາໄສສາກົນກ່ຽວກັບການໜູນໃຊ້ເຕັກ
ໂນໂລຢີຂໍ້ມູນຂ່າວສານໃນການສຶກສາ
(ພາບ: dantri.com.vn)
(vovworld) – ເວທີປາໄສສາກົນກ່ຽວກັບການໜູນໃຊ້ເຕັກໂນໂລຢີຂໍ້ມູນຂ່າວສານໃນການສຶກສາ ໂດຍກະຊວງສຶກສາ ແລະ ບຳລຸງສ້າງສົມທົບກັບກະຊວງສຶກສາ ສ.ເກົາຫຼີ ຈັດຕັ້ງ ດຳເນີນໃນວັນທີ 29/10 ຢູ່ຮ່າໂນ້ຍ. ເຂົ້າຮ່ວມເວທີປາໄສມີຜູ້ແທນ 100 ກ່ວາຄົນ ແມ່ນນັກຊ່ຽວຊານດ້ານການສຶກສາຂອງ ສ.ເກົາຫຼີ, ຫວຽດນາມ ແລະ ແຂກສາກົນທີ່ມາຈາກກະຊວງສຶກສາຂອງບັນດາປະເທດເຊັ່ນ:ອຸດສະເບກິດສະຖານ, ອາແຊັກໄບຢານ, ມົງໂກນ, ສີລັງກາ, ໂກໂລມເບຍ ແລະ ຟີລິບປິນ. ຫົວເລື່ອງຕົ້ນຕໍຂອງເວທີປາໄສສາກົນ ຫວຽດນາມ - ສ.ເກົາຫຼີ ກ່ຽວກັບການໜູນໃຊ້ອຸປະກອນເຕັກໂນໂລຢີຂໍ້ມູນຂ່າວສານໃນການສຶກສາ ແລະ ແນະນຳກ່ຽວກັບໂຄງການປະກອບອຸປະກອນໃຫ້ຫ້ອງຮຽນປະດິດສ້າງໜູນໃຊ້ເຕັກໂນໂລຢີຂໍ້ມູນຂ່າວສານ ໂດຍ ສ.ເກົາຫຼີ ອຸປະຖຳຢູ່ໂຮງຮຽນມັດທະຍົມຕອນປາຍ ເກົ່າເຢີ໋ຍ (ຮ່າໂນ້ຍ). ເວທີປາໄສແມ່ນກາລະໂອກາດ ເພື່ອໃຫ້ບັນດານັກຄຸ້ມຄອງການສຶກສາ ແລະ ບັນດາຄູອາຈານ ສາມາດແລກປ່ຽນຂໍ້ມູນຂ່າວສານ, ນະໂຍບາຍ, ແບ່ງປັນບົດຮຽນຂອງປະເທດຕົນເອງ, ຊ່ວຍເຫຼືອກັນໜູນໃຊ້ ແລະ ພັດທະນາບັນດາວິທີການໜູນໃຊ້ເຕັກໂນໂລຢີຂໍ້ມູນຂ່າວສານໃນການສຶກສາ.