ຫັນຕະຫຼາດເປັນຫຼາຍຮູບຫຼາຍແບບແລະຮັບປະກັນຄຸນນະພາບສິນຄ້າສົ່ງອອກຜະລິດຕະພັນກະເສດ,ສິນໃນນ້ຳ
ພາບປະກອບ
(vovworld) – ຕ້ອງມີມາດຕະການຄົບຊຸດເພື່ອແກ້ໄຂຄວາມຫຍຸ້ງຍາກ ຍູ້ແຮງການສົ່ງອອກຜະລິດຕະພັນກະເສດ, ສິນໃນນ້ຳຂອງ ຫວຽດນາມ ຢ່າງເປັນປົກກະຕິ, ໝັ້ນຄົງ. ທ່ານຮອງລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ເຈີ່ນຕ໋ວນແອງ ເນັ້ນໜັກຄືດັ່ງກ່າວເມື່ອຕອບສຳພາດຕໍ່ນັກຂ່າວວິທະຍຸກະຈາຍສຽງ ຫວຽດນາມ.
ຕາມທ່ານ ເຈີ່ນຕ໋ວນແອງ, ຕໍ່ໜ້າໄພ ຫວຽດນາມ ອາໄສຫຼາຍສຳລັບຕະຫຼາດ ຈີນ, ເອີລົບ, ອາເມລິກາ ໃນບັນດາຜະລິດຕະພັນກະເສດ, ສິນໃນນ້ຳ. ກະຊວງອຸດສາຫະກຳ - ການຄ້າ ພວມຄິດໄລ່ຊັ່ງຊາເພື່ອມີມາດຕະການຫັນຕະຫຼາດເປັນຫຼາຍຮູບຫຼາຍແບບ, ຜ່ານການຂຸດຄົ້ນບັນດາເງື່ອນໄຂອຳນວຍຄວາມສະດວກຂອງບັນດາຂົງເຂດຮ່ວມມື 2 ຝ່າຍ ແລະ ຫຼາຍຝ່າຍ, ພິເສດແມ່ນສັນຍາການຄ້າເສລີ ເຊິ່ງ ຫວຽດນາມ ລົງນາມເຊິ່ງບໍ່ທັນຂຸດຄົ້ນຄວາມສາມາດບົ່ມຊ້ອນ. ທ່ານ ເຈີ່ນຕ໋ວນແອງ ກ່າວວ່າ:
“ໄລຍະຈະມາເຖິງ, ກະຊວງອຸດສາຫະກຳ - ການຄ້າ ຈະສືບຕໍ່ໜູນຊ່ວຍວິສາຫະກິດສຳພັດກັບບັນດາຕະຫຼາດໃໝ່. ກະຊວງຈະເປັນເຈົ້າການໃນການຄົ້ນຄ້ວາຕະຫຼາດຊ່ວຍໃຫ້ວິສາຫະກິດໃນການກໍ່ສ້າງ ແລະ ຍົກອອກບັນດາຜະລິດຕະພັນສົ່ງອອກເໝາະສົມກັບຄວາມຕ້ອງການ ແລະ ລັກສະນະຂອງຕະຫຼາດ, ຈາກນັ້ນສ້າງໂຄງປະກອບຄືນໃໝ່ໃນການຜະລິດເພື່ອຮັບປະກັນມຸນຄ່າເພີ່ມ ກໍ່ຄືມຸນຄ່າໃນການສົ່ງອອກ”