(vovworld) - ວັນທີ 27/09, ທະນາຄານໂລກ (WB) ປະຈຳຫວຽດນາມ ໄດ້ປະກາດບົດລາຍງານພັດທະນາຫວຽດນາມ ປີ 2016 ດ້ວຍຫົວຂໍ້ “ຫັນປ່ຽນກະສິກຳຫວຽດນາມ: ເພີ່ມມູນຄ່າເພີ່ມ, ຫຼຸດຜ່ອນສົ້ນເຂົ້າ”. ທ່ານ Ousmane Dione, ຜູ້ອຳນວຍການໃຫຍ່ທະນາຄານໂລກປະຈຳຫວຽດນາມ ເນັ້ນໜັກວ່າ, ຂະແໜງກະສິກຳຕ້ອງມີການປ່ຽນໃໝ່ເພື່ອຜ່ານຜ່າບັນດາຄວາມຫຍຸ້ງຍາກໃນປະຈຸບັນ, ຮັບປະກັບການເຕີບໂຕດ້ານກະສິກຳໃນອະນາຄົດ ແລະ ຕອບສະໜອງຄວາມຮຽກຮ້ອງ, ຄວາມມຸ່ງຫວັງຂອງປະຊາຊົນໃຫ້ເປັນຢ່າງດີກວ່າ. ບົດລາຍງານໄດ້ໄຈ້ແຍກບັນດາກາລະໂອາກາດ ແລະ ສິ່ງທ້າທາຍໃນຂະແໜງກະສິກຳ ແລະ ເນັ້ນໜັກວ່າ, ເພື່ອຮັກສາທ່າແກ່ງແຍ້ງໃນຕະຫຼາດສາກົນ, ຫວຽດນາມ ຕ້ອງຍົກສູງຄຸນນະພາບຜະລິດຕະພັນ, ຄວາມປອດໄພດ້ານສະບຽງອາຫານ, ພ້ອມທັງຍົກສູງມູນຄ່າເພີ່ມ. ບົດລາຍງານການພັດທະນາຫວຽດນາມ ປີ 2016 ໄດ້ຮັບຮອງຄວາມກ້າວໜ້າທະລຸຂອງຂະແໜງກະສິກຳ, ຫວຽດນາມ ໄດ້ກາຍເປັນປະເທດສົ່ງອອກບັນດາຜະລິດຕະພັນກະເສດ, ທັນຍາຫານອັນດັບໜຶ່ງ ແລະ ນອນໃນຈຳນວນກຸ່ມ 5 ປະເທດສົ່ງອອກສິນໃນນ້ຳ, ເຂົ້າສານ, ກາເຟ… ຫຼາຍກວ່າໝູ່.
ແລະກໍ່ໃນວັນດຽວກັນ, ທະນາຄານພັດທະນາອາຊີ (ADB) ປະຈຳຫວຽດນາມ ໄດ້ອັບເດັດການຕີລາຄາແງ່ຫວັງພັດທະນາເສດຖະກິດຫວຽດນາມ ປີ 2016 ແລະ 2017, ຕາມນັ້ນແລ້ວ, ພື້ນຖານເສດຖະກິດຫວຽດນາມ ສືບຕໍ່ເຄື່ອນໄຫວເປັນຢ່າງດີ, ເຖິງວ່າປະສົບກັບສິ່ງທ້າທາຍ ຍ້ອນການຫຼຸດຜ່ອນຂອງຂະແໜງກະສິກຳ ແລະ ຂຸດຄົ້ນແຮ່ທາດໃນເຄິ່ງປີ 2016. ບົດລາຍງານໄດ້ຄາດຄະເນປີ 2016, ການເຕີບໂຕດ້ານເສດຖະກິດຂອງຫວຽດນາມ ບັນລຸ 6,0% ແລະ ປີ 2017 ບັນລຸ 6,3%.