ຫລຸດຜ່ອນບັນຈຸພະນັກງານໃຫ້ກະທັດລັດແລະສ້າງຖັນແຖວພະນັກງານແມ່ນການກຳນົດທິດອັນຖືກຕ້ອງ
ທ່ານເລຂາທິການໃຫຍ່ ຫງວຽນຟູຈ້ອງ
ພາບ:dantri.com.vn
|
(vovworld)- ສະຫລຸບກອງປະຊຸມຄັ້ງທີ 10 ຄະນະບໍລິຫານງານສູນກາງພັກຊຸດທີ 11, ທ່ານເລຂາທິການໃຫຍ່ ຫງວຽນຟູຈ້ອງ ເນັ້ນຫນັກເຖິງຄວາມຈຳເປັນຕ້ອງສ້າງການຫັນປ່ຽນຢ່າງເຫັນໄດ້ຊັດໃນການຫລຸດຜ່ອນບັນຈຸພະນັກງໃຫ້ກະທັດລັດ ແລະ ສ້າງໂຄງປະກອບຖັນແຖວພະນັກງານ, ລັດຖະກອນຄືນໃຫມ່, ດຶງດູດຜູ້ມີຄຸນສົມບັດ, ມີຄວາມເກັ່ງກ້າສາມາດ ເຂົ້າເຮັດວຽກໃນບັນດາອົງການ, ຫົວຫນ່ວຍຂອງພັກ, ລັດ ແລະ ບັນດາອົງການການເມືອງ ສັງຄົມ. ສິ່ງດັ່ງກ່າວໄດ້ຮັບຄວາມສົນໃຈ ແລະ ສະຫນັບສະຫນູນຈາກຫາງສຽງ. ທ່ານ ເຈີນແອງຕວນ, ຮອງຜູ້ອຳນວຍການສູນຄາດຄະເນຄວາມຕ້ອງການຊັບພະຍາກອນມະນຸດ ແລະ ຂໍ້ມູນຂ່າວສານຕະຫລາດແຮງງານ ນະຄອນໂຮ່ຈິມີນ ຖືວ່າ: ນີ້ແມ່ນການກຳນົດທິດອັນຖືກຕ້ອງ ແລະ ທັນການ ເພື່ອສ້າງການຫັນປ່ຽນຢ່າງເຫັນໄດ້ຊັດໃນການສ້າງຖັນແຖວຊັບພະຍາກອນມະນຸດເຮັດວຽກໃນກົງຈັກລັດຢ່າງມີປະສິດທິຜົນ.
“ແຜນນະໂຍບາຍຂອງພັກ ແລະ ລັດ ກ່ຽວກັບການຫລຸດຜ່ອນບັນຈຸພະນັກງານໃຫ້ກະທັດລັດ ເພື່ອສ້າງຖັນແຖວບັນຈຸພະນັກງານກະທັດລັດ, ປະກອບສ່ວນຍົກສູງກຳລັງຄວາມສາມາດຂອງວຽກງານຄຸ້ມຄອງລັດ ແມ່ນບັນຫາຮີບດ່ວນ ແລະຈຳເປັນ.”
ທ່ານ ເຈືອງມີງຫວູ, ຢູ່ເມືອງ ເຕີນບີງ ນະຄອນໂຮ່ຈິມີນ ໃຫ້ຮູ້ວ່າ:
“ຕາມບົດສະຫລຸບຂອງກອງປະຊຸມສູນກາງພັກຄັ້ງທີ 10 ຊຸດທີ 11, ຂ້າພະເຈົ້າເຫັນວ່າ ໃນຂົງເຂດດຶງດູດຜູ້ມີຄວາມເກັ່ງກ້າສາມາດ ຄວນເພີ່ມເຕີມນະໂຍບາຍຖືເປັນສຳຄັນຜູ້ມີຄວາມເກັ່ງກ້າສາມາດ ນັບທັງຊາວຫວຽດນາມ ອາໄສຢູ່ຕ່າງປະເທດ. ຄວນມີນະໂຍບາຍດຶງດູດຜູ້ມີຄວາມເກັ່ງກ້າສາມາດເພື່ອໃຫ້ເຂົາເຈົ້າປະກອບສ່ວນເປັນຢ່າງດີກວ່າ. ເລື່ອງຫລຸດຜ່ອນບັນຈຸພະນັກງານກະທັດລັດ ກໍແມ່ນຄວາມຈຳເປັນທີ່ສຸດ, ຫວັງວ່າ ໄລຍະຈະມາເຖິງຈະບັນລຸໝາກຜົນດີກວ່າ.”
ຄຳເຫັນຂອງປະຊາຊົນສ່ວນຫລາຍແມ່ນເຫັນດີເຫັນພ້ອມຕໍ່ການຫລຸດຜ່ອນບັນຈຸພະນັກງານໃຫ້ກະທັດລັດ, ສ້າງໂຄງປະກອບຖັນແຖວພະນັກງານ,ລັດຖະກອນຄືນໃຫມ່ ແມ່ນຄວາມຮຽກຮ້ອງຕ້ອງການທີ່ຈຳເປັນຂອງພຶດຕິກຳຕົວຈິງປະຈຸບັນ ເພື່ອເພີ່ມທະວີກຳລັງແຮງຂອງກົງຈັກລັດໃຫ້ເຂັ້ມແຂງ, ຮັບໃຊ້ພາລະກິດຫັນປະເທດຊາດເປັນປະເທດອຸດສາຫະກຳ ແລະ ທັນສະໄຫມ.