(vovworld) - “ເວທີປາໄສຮ່ວມມືກະສິກຳຫວຽດນາມ - ກຳປູເຈຍ” ແລະ “ກອງປະຊຸມແລກປ່ຽນການຄ້າສອງປະເທດໃນຂົງເຂດຜະລິດຕະພັນກະເສດ, ເຄື່ອງປ່າຂອງດົງ ແລະ ສິນໃນນ້ຳ”, ໂດຍກະຊວງກະສິກຳ ແລະ ພັດທະນາຊົນນະບົດຫວຽດນາມ ສົມທົບກັບກະຊວງການຄ້າ ແລະ ກະຊວງກະສິກຳ, ເຄື່ອງປ່າຂອງດົງ ແລະ ສິນໃນນ້ຳກຳປູເຈຍ ໄດ້ຈັດຂຶ້ນໃນຕອນບ່າຍວັນທີ 15/12 ຢູ່ ພະນົມເປັນ, ມຸ້ງໄປເຖິງການສ້າງເງື່ອນໄຂໃຫ້ແກ່ບັນດາວິສາຫະກິດສອງປະເທດ ເພີ່ມທະວີຄວາມເຂົ້າໃຈເຊິ່ງກັນ ແລະ ກັນ, ພ້ອມກັນຕີລາຄາຄວາມສາມາດຮ່ວມມື ເພື່ອນຳການພົວພັນຮ່ວມມືຂອງສອງປະເທດໃນຂົງເຂດຜະລິດຕະພັນກະເສດ, ເຄື່ອງປ່າຂອງດົງ ແລະ ສິນໃນນ້ຳ ໃຫ້ມີບາດກ້າວພັດທະນາຢ່າງແຮງໃນໄລຍະຈະມາເຖິງ. ບັນດາຜູ້ແທນເຂົ້າຮ່ວມເວທີປາໄສ ແລະ ກອງປະຊຸມໄດ້ຮັບຟັງການໂຄສະນາ ແລະ ປຶກສາຫາລືກ່ຽວກັບຄວາມສາມາດບົມຊ້ອນດ້ານການຄ້າຜະລິດຕະພັນກະເສດ, ເຄື່ອງປ່າຂອງດົງ ແລະ ສິນໃນນ້ຳ, ຄວາມສາມາດບົມຊ້ອນການຜະລິດ, ຕອບສະໜອງເພາຫະນະຄື່ອງຈັກ ແລະ ວັດຖຸອຸປະກອນຮັບໃຊ້ກະສິກຳຂອງຫວຽດນາມ; ສະພາບການຮ່ວມມືດ້ານການຄ້າ, ການລົງທຶນ ໃນຂົງເຂດກະສິກຳລະຫວ່າງຫວຽດນາມ ແລະ ກຳປູເຈຍ; ເຂົ້າຮ່ວມການແລກປ່ຽນການຄ້າໂດຍກົງລະຫວ່າງບັນດາວິສາຫະກິດ, ນັກທຸລະກິດສອງປະເທດ.