ພິທີມອບຂໍ້ຕົກລົງຂອງປະທານປະເທດ ແລະ ມອບໝາຍໜ້າທີ່ໃຫ້ແກ່ບັນດານາຍທະຫານໄປປະຕິບັດໜ້າທີ່ຮັກສາສັນຕິພາບ ສປຊ (ພາບ: TTXVN)

ທ່ານພົນໂທ ຫງວຽນຈີ໊ວິ້ງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າໜ່ວຍປະຕິບັດງານລະຫວ່າງຂະແໜງການ, ຫົວໜ້າຄະນະຊີ້ນຳກະຊວງປ້ອງກັນປະເທດກ່ຽວກັບເລື່ອງຫວຽດນາມເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ, ເປັນປະທານພິທີ.

ໂດຍສະແດງຄວາມຍິນດີຊົມເຊີຍຕໍ່ບັນດານາຍທະຫານທີ່ໄດ້ຖືກສົ່ງໄປປະຕິບັດໜ້າທີ່, ທ່ານ ພົນໂທ ຫງວຽນຈີ໊ວິ້ງ ໄດ້ຮຽກຮ້ອງວ່າ ພ້ອມກັບການຜັນຂະຫຍາຍເນື້ອໃນຈິດໃຈໄມ້ຕີຈິດມິດຕະພາບ, ສາມັກຄີສາກົນ, ນາຍທະຫານປະຕິບັດໜ້າທີ່ຮັກສາສັນຕິພາບຫວຽດນາມ ຕ້ອງສະແດງໃຫ້ເພື່ອນມິດສາກົນເຫັນໄດ້ ກຳລັງຄວາມສາມາດດ້ານພາສາ, ວຽກງານການຈັດຕັ້ງ, ແກ້ໄຂກໍລະນີ, ລັກສະນະເປັນມືອາຊີບສູງໃນວຽກງານ, ເພີ່ມທະວີການຄົ້ນຄ້ວາສະພາບການໃນບໍລິເວນຂອງຄະນະປະຕິບັດງານ, ຍົກສູງກຳລັງຄວາມສາມາດໃນການໄຈ້ແຍກ, ເປັນເສນາທິການ, ຄາດຄະເນສະພາບການ, ເພື່ອສະເໜີຕໍ່ ຄະນະພັກການທະຫານສູນກາງ, ການນຳກະຊວງປ້ອງກັນປະເທດ ບັນດາບັນຫາທີ່ກ່ຽວຂ້ອງເຖິງການຮັກສາສັນຕິພາບ ສປຊ ໄດ້ເປັນຢ່າງທັນການ.