(ພາບ : http://biendong.vntime.vn)
ວັນທີ 24/11, ທີ່ການປະຊຸມຂ່າວນັດສາມັນຂອງກະຊວງການຕ່າງປະເທດ, ເມື່ອຕອບຄຳຖາມກ່ຽວກັບທັດສະນະຂອງຫວຽດນາມຕໍ່ໜ້າທ່າທີອັນຕັ້ງໜ້າຂອງຈີນ ເມື່ອປຶກສາຫາລືກ່ຽວກັບຂໍ້ກຳນົດການປະພຶດ ຂອງຝ່າຍຕ່າງໆໃນເຂດທະເລຕາເວັນອອກ (COC) ຢູ່ກອງປະຊຸມສຸດຍອດບັນດາປະເທດອາຊຽນຜ່ານມານັ້ນ, ໂຄສົກກະຊວງການຕ່າງປະເທດຫວຽດນາມ ເລືອງແທງງິ້, ກ່າວວ່າ:
ພວກເຮົາຖືວ່າ ສັນຕິພາບ, ສະຖຽນລະພາບ, ຄວາມສະຫງົບປອດໄພໃນການເດີນທະເລຢູ່ທະເລຕາເວັນອອກແມ່ນຜົນປະໂຫຍດລວມຂອງພາກພື້ນ ແລະທຸກປະເທດ. ບັນດາຝ່າຍທີ່ກ່ຽວຂ້ອງຄວນແກ້ໄຂການພິພາດ ດ້ວຍມາດຕະການສັນຕິພາບ, ປະຕິບັດຕາມກົດໝາຍສາກົນ, ພິເສດແມ່ນສົນທິສັນຍາວ່າດ້ວຍທະເລຂອງ ສະຫະປະຊາຊາດ ເມື່ອປີ 1982. ຫວຽດນາມຊົມເຊີຍເລື່ອງອາຊຽນ ແລະຈີນ ເຫັນດີເປັນເອກະສັນສືບຕໍ່ປະຕິບັດຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ ແລະມຸ້ງໄປເຖິງເລື່ອງສ້າງຂໍ້ກຳນົດການປະພຶດຂອງຝ່າຍຕ່າງໆຢູ່ໃນເຂດທະເລຕາເວັນອອກ.