ທ່ານນາງຫງວຽນທິກິມເງິນ ແລະ ທ່ານ Habib El Malki

ຕອນເຊົ້າວັນທີ 18 ທັນວາ ຢູ່ຮ່າໂນ້ຍ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ມີການພົບປະເຈລະຈາກັບທ່ານປະທານສະພາຕ່ຳ ມາລົກ Habib El Malki

        ທ່ານນາງປະທານສະພາແຫ່ງຊາດ ຫງວຽນທິກິມເງິນ ຢືນຢັນວ່າ: ຍາມໃດ ຫວຽດນາມ ກໍ່ຖືເປັນສຳຄັນການພັດທະນາສາຍພົວພັນມິດຕະພາບ ແລະ ການຮ່ວມມືຫລາຍດ້ານກັບບັນດາປະເທດ ອາຟຣິກກາ, ໃນນັ້ນ ມາລົກ ແມ່ນຄູ່ຮ່ວມມືບຸລິມະສິດ. ຫວຽດນາມ ພ້ອມແລ້ວທີ່ຈະເປັນຂົວຕໍ່ໃນການພົວພັນລະຫວ່າງ ມາລົກ ກັບບັນດາປະເທດ ອາຊຽນ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ສະເໜີໃຫ້ 2 ຝ່າຍ ຍູ້ແຮງບັນດາການເຄື່ອນໄຫວສົ່ງເສີມການລົງທຶນ, ເພີ່ມທະວີບັນດາຄະນະວິສາຫະກິດໄດ້ພົບປະ, ເຂົ້າຮ່ວມບັນດາກອງປະຊຸມສຳມະນາ, ເວທີປາໄສ, ງານຕະຫລາດນັດສາກົນຢູ່ແຕ່ລະປະເທດ.

        ກ່ຽວກັບສະພາບການທະເລຕາເວັນອອກ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ຢືນຢັນອີກຄັ້ງໜຶ່ງວ່າ: ແຜນນະໂຍບາຍສະເໝີຕົ້ນສະເໝີປາຍຂອງ ຫວຽດນາມ ແມ່ນມາດຕະການການແກ້ໄຂບັນດາການຂັດແຍ້ງອະທິປະໄຕກໍ່ຄືຜືນແຜ່ນດິນ ດ້ວຍມາດຕະການສັນຕິພາບ, ບົນພື້ນຖານເຄົາລົບກົດໝາຍສາກົນ, ກົດບັດສະຫະປະຊາຊາດ. ສະແດງທັດສະນະເຫັນດີເຫັນພ້ອມ, ສະໜັບສະໜູນຫຼັກໝັ້ນຂອງ ຫວຽດນາມ ກ່ຽວກັບບັນຫານີ້ ທ່ານປະທານສະພາຕ່ຳ ມາລົກ Habib El Malki ຖືວ່າ: ພາຍໃຕ້ການນຳພາຂອງ ລາຊະອານາຈັກ, ມາລົກ ໄດ້ ແລະ ພວມເດີນຕາມນະໂຍບາຍສະໜັບສະໜູນສັນຕິພາບ, ຫວຽດນາມ ກໍ່ມີຍຸດທະສາດຄ້າຍຄືກັນ ເພື່ອປົກປັກຮັກສາສັນຕິພາບ ແລະ ພັດທະນາ.

ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ມີການພົບປະເຈລະຈາກັບທ່ານປະທານສະພາຕ່ຳ ມາລົກ Habib El Malki

         ພາຍຫລັງການພົບປະເຈລະຈາ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ແລະ ທ່ານປະທານສະພາຕ່ຳ ມາລົກ Habib El Malki ໄດ້ລົງນາມໃນຂໍ້ຕົກລົງຮ່ວມມືລະຫວ່າງສະພາແຫ່ງຊາດ ຫວຽດນາມ ແລະ ສະພາຕ່ຳ ມາລົກ. ເມື່ອຕອບຄຳຖາມຂອງນັກຂ່າວ ວິທະຍຸກະຈາຍສຽງ ຫວຽດນາມ ກ່ຽວກັບໝາກຜົນແຫ່ງການເຈລະຈາ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໃຫ້ຮູ້ວ່າ:

        “ທ່ານປະທານສະພາຕ່ຳ ມາລົກ ມີປະໂຫຍກຄຳເວົ້າມ່ວນທີ່ສຸດ ນັ້ນແມ່ນ ລະຫວ່າງ 2 ຊາດ ມາລົກ ແລະ ຫວຽດນາມ ມີປະຫວັດສາດສ່ວນໜຶ່ງທີ່ຄ້າຍຄືກັນ ແລະ ຄວາມຊົງຈຳຮ່ວມກັນ. ສະນັ້ນ ລຸ້ນໃນປັດຈຸບັນ ຈະເຮັດໃຫ້ບັນດາຈຸດທີ່ຄ້າຍຄືກັນ, ການສະໜັບສະໜູນເຊິ່ງກັນ ແລະ ກັນ ລະຫວ່າງ 2 ປະເທດ ສືບຕໍ່ພັດທະນາ ເພື່ອປະຫວັດສາດ ແລະ ຄວາມຊົງຈຳອັນດີງາມ ລວມກັນນັ້ນ. ”

        ສວ່ນທ່ານ Habib El Malki ປະທານສະພາຕ່ຳ ມາລົກ ເນັ້ນໜັກວ່າ: 2 ສະພາແຫ່ງຊາດໄດ້ລົງນາມໃນຂໍ້ຕົກລົງຮ່ວມມື 2 ຝ່າຍ, ເປີດໄລຍະໃໝ່ໃນການພົວພັນຮ່ວມມືລະຫວ່າງລັດຖະສະພາ 2 ປະເທດ ແລະ 2 ປະເທດ. ນີ້ແມ່ນຄັ້ງທຳອິດ ທີ່ສະພາແຫ່ງຊາດ ຫວຽດນາມ ໄດ້ລົງນາມໃນຂໍ້ຕົກລົງຮ່ວມມືກັບລັດຖະສະພາປະເທດ ອາຟຣິກກາ. ຂໍ້ຕົກລົງຮ່ວມມືນີ້ ປະກອບສ່ວນນຳການພົວພັນ 2 ປະເທດ ໃຫ້ນັບມື້ນັບແທດຈິງ, ມີປະສິດທິຜົນໃນຫລາຍຂົງເຂດ.