(vovworld) - ຕອນເຊົ້າວັນທີ 07/04, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ເປັນປະທານພິທີຕ້ອນຮັບທ່ານນາຍົກລັດຖະມົນຕີບູນກາຣີ Plamen Vasilev Oresharski ພັນລະຍາ ມາຢ້ຽມຢາມຫວຽດນາມ ຢ່າງເປັນທາງການ. ທີ່ການເຈລະຈາພາຍຫຼັງພິທີຕ້ອນຮັບ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ຂອບໃຈການສະໜັບສະໜູນ, ການຊ່ວຍເຫຼືອອັນໃຫຍ່ຫຼວງ ແລະ ລ້ຳຄ່າຂອງປະຊາຊົນບູນກາຣີ ທີ່ມີຕໍ່ການຕໍ່ສູ້ຍາດເອົາເອກະລາດຂອງຊາດ, ໂຮມປະເທດຊາດເປັນເອກະພາບ ຂອງປະຊາຊົນຫວຽດນາມ ກໍ່ຄືໃນພາລະກິດສ້າງສາ ແລະ ພັດທະນາປະເທດຊາດ. ທ່ານນາຍົກລັດຖະມົນຕີ Plamen Vasilev Oresharski ຢືນຢັນວ່າ, ຫວຽດນາມ ແມ່ນຄູ່ຮ່ວມມືຍຸດທະສາດຂອງບູນກາຣີ ຢູ່ພາກພື້ນອາຊີຕາເວັນອອກສ່ຽງໃຕ້. ນາຍົກລັດຖະມົນຕີທັງ 2 ທ່ານໄດ້ແຈ້ງໃຫ້ກັນຊາບກ່ຽວກັບສະພາບການຂອງແຕ່ລະປະເທດ, ຕີລາຄາການພົວພັນ 2 ຝ່າຍ ແລະ ປຶກສາຫາລືບັນດາບັນຫາສາກົນ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈ. ນາຍົກລັດຖະມົນຕີ 2 ທ່ານກໍ່ເຫັນດີສືບຕໍ່ເພີ່ມທະວີການຮ່ວມມືໃນບັນດາເວທີປາໄສພາກພື້ນ ແລະ ສາກົນຢ່າງແໜ້ນແຟ້ນ ແລະ ມີປະສິດທິຜົນ. ທີ່ການປະຊຸມຂ່າວສາກົນພາຍຫຼັງການເຈລະຈາ, ທ່ານນາຍົກລັດຖະມົນຕີ ຫງວຽນເຕີນຢຸງ ຢືນຢັນວ່າ.
“ທ່ານນາຍົກລັດຖະມົນຕີບູນກາຣີ ແລະ ຂ້າພະເຈົ້າເຫັນດີ 3 ຝ່າຍຕ້ອງສືບຕໍ່ແລກປ່ຽນຄະນະຜູ້ແທນທຸກຂັ້ນເປັນປະຈຳ, ຍູ້ແຮງການຮ່ວມມືໃນບັນດາຂົງເຂດຄື: ເສດຖະກິດ, ການສຶກສາບຳລຸງສ້າງ, ວັດທະນະທຳ, ການທ່ອງທ່ຽວ, ປ້ອງກັນຊາດປ້ອງກັນຄວາມສະຫງົບ. ສູ້ຊົນເພີ່ມວົງເງິນການຄ້າ 2 ສົ້ນ ແລະ ຍົກສູງປະສິດທິຜົນການຮ່ວມມືລົງທຶນ, ສ້າງເງື່ອນໄຂສະດວກໃຫ້ແກ່ບັນດາວິສາຫະກິດ, ນັກລົງທຶນຂອງ 2 ປະເທດເຊື່ອມຕໍ່ຄູ່ຮ່ວມມື, ຊອກຮູ້ຕະຫຼາດໃນບັນດາຂົງເຂດເຊິ່ງບູນກາຣີ ມີທ່າແຮງ ແລະ ຫວຽດນາມ ມີຄວາມຕ້ອງການຄື: ການກໍ່ສ້າງພື້ນຖານໂຄງລ່າງ, ການວາງແຜນພັດທະນາເຂດຕົວເມືອງ ແລະ ລະບົບຄົມມະນະຄົມສາທາລະນະ, ການນຳໃຊ້ພະລັງງານຢ່າງມີປະສິດທິຜົນ, ປົກປັກຮັກສາສິ່ງແວດລ້ອມ ແລະ ປຸ້ງແຕ່ງສະບຽງອາຫານ”.
ສິ້ນສຸດການເຈລະຈາ, ທ່ານນາຍົກລັດຖະມົນຕີ ຫງວຽນເຕີນຢຸງ ແລະ ທ່ານນາຍົກລັດຖະມົນຕີ Plamen Vasilev Oresharski ໄດ້ເປັນສັກຂີພິຍານພິທີລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືດ້ານກະສິກຳ, ລ້ຽງປູກ ແລະ ສິ້ນໃນນ້ຳລະຫວ່າງກະຊວງກະສິກຳ ແລະ ພັດທະນາຊົນນະບົດຫວຽດນາມ ກັບ ກະຊວງກະສິກຳ, ສະບຽງອາຫານບູນກາຣີ; ໂຄງການຮ່ວວມືດ້ານວັດທະນະທຳ ແລະ ໂຄງການຮ່ວມມືດ້ານການທ່ອງທ່ຽວຫວຽດນາມ - ບູນກາຮີ ໄລຍະ 2014 – 2016. ນີແມ່ນບັນດາເອກະສານຫັນການຮ່ວມມືທີ່ນັບມື້ນັບໄດ້ຮັບການປັບປຸງ ແລະ ເພີ່ມທະວີປະສິດທິພົນລະຫວ່າງຫວຽດນາມ - ບູນກາຣີ ເປັນລະອຽດ.
ຕອນບ່າຍວັນທີ 7/4, ທ່ານປະທານສະພາແຫ່ງຊາດ ຫງວຽນຊິງຮຸ່ງ ໄດ້ໃຫ້ການຕ້ອນຮັບທ່ານນາຍົກລັດຖະມົນຕີ ບຸນກາຣີທ່ານປະທານສະພາແຫ່ງຊາດ ຫງວຽນຊິງຮຸ່ງໄດ້ເຫັນດີກັບທ່ານນາຍົກລັດຖະມົນຕີ Plamen Vasilev Oresharskiຜ່ານການເຄື່ອນໄຫວຂອງລັດຖະບານ, ສະພາແຫ່ງຊາດຈະຊຸກຍູ້ການຮ່ວມມືລົງທຶນ, ການຄ້າລະຫວ່າງສອງປະເທດ ກໍ່ຄືເຊື່ອໝັ້ນວ່າ ການຮ່ວມມືລະຫວ່າງສອງຝ່າຍຈະກ້າວເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ.
ສ່ວນທ່ານນາຍົກລັດຖະມົນຕີ ບຸນກາຣີ ກໍ່ເນັ້ນໜັກວ່າ, ບຸນກາຣີ ຍາມໃດກໍ່ຖືຫວຽດນາມ ແມ່ນຄູ່ຮ່ວມມືຍຸດທະສາດ ແລະ ຢືນຢັນວ່າ ບຸນກາຣີ ຈະເປັນຂົວຕໍ່ຢ່າງຕັ້ງໜ້າຂອງຫວຽດນາມກັບ EU.