(vovworld) - ຕອນເຊົ້າວັນທີ 06 ສິງຫາ, ຢູ່ຮ່າໂນ້ຍ, ໄດ້ດຳເນີນກອງປະຊຸມສຳມະນາທາບທາມກ່ຽວກັບາງບົດລາຍງານແຫ່ງຊາດ ຕາມກົນໄກກວດກາເປັນປະຈຳ (UPR) ຮອບທີ່ 2 ຂອງສະພາສິດທິມະນຸດສະຫະປະຊາຊາດ. ບົດລາຍງານທີ່ກອງປະຊຸມສຳມະນາໄດ້ເຕື້ອງເຖິງຫຼາຍບັນຫາສຳຄັນ ເຊິ່ງນອນໃນກົນໄກກວດກາເປັນປະຈຳຮອບ 2 ຂອງສະພາສິດທິມະນຸດສະຫະປະຊາຊາດຄື: ປັບປຸງລະບົບກົດໝາຍ, ນະໂຍບາຍກ່ຽວກັບສິດທິມະນຸດ; ເພີ່ມທະວີການສຶກສາກ່ຽວກັບສິດທິມະນຸດ. ການປະຕິບັດບັນດາພັນທະສາກົນກ່ຽວກັບສິດທິມະນຸດ... ພິເສດ, ໃນຮ່າງບົດລາຍງານຄັ້ງນີ້, ຫວຽດນາມ ໄດ້ສຸມໃສ່ເຂົ້າໃນເລື່ອງເຄົາລົບ, ປົກປ້ອງ ແລະ ຊຸກຍູ້ບັນດາສິດທິມະນຸດໃນສະພາບຕົວຈິງຫຼາຍກວ່າ ເຊິ່ງລວມມີ: ບັນດາສິດພົນລະເຮືອນການເມືອງ; ບັນດາສິດເສດຖະກິດ, ສັງຄົມ ແລະ ວັດທະນະທຳ... ກ່າວຄຳເຫັນທີ່ກອງປະຊຸມສຳມະນາ, ທ່ານນາງ Pratibha Mehta, ຜູ້ປະສານງານໂຄງການພັດທະນາສະຫະປະຊາຊາດປະຈຳຫວຽດນາມ ໄດ້ຕີລາຄາສູງບັນດາຄວາມມານະພະຍາຍາມຂອງລັດຖະບານຫວຽດນາມ ໃນການປັບປຸງ ແລະ ຮັບປະກັນສິດທິມະນຸດ. ທ່ານນາງ Pratibha Mehta ເນັ້ນໜັກວ່າ.
“ຂ້າພະເຈົ້າອວຍພອນລັດຖະບານຫວຽດນາມ ໄດ້ມີບັນດາໝາກຜົນທີ່ໜ້າຊົມຊື່ນ ໃນການປະຕິບັດກົນໄກກ່ຽວກັບສິດທິມະນຸດ ເຊິ່ງສະຫະປະຊາຊາດ ໄດ້ຍົກອອກມາ ໃນຊຸມປີຜ່ານມາ. ຂ້າພະເຈົ້າເຊື່ອໝັ້ນວ່າ, ວິວັດການນີ້ ຈະສືບຕໍ່ໄດ້ຮັບການປະຕິບັດ. ຂ້າພະເຈົ້າກໍ່ຕີລາຄາສູງວິວັດການປະຕິບັດກົນໄກກວດກາເປັນປະຈຳຂອງຫວຽດນາມ, ໃນນັ້ນມີການຍົກຮ່າງບົດລາຍງານອອກເພື່ອຮັບຄຳເຫັນປະກອບຢ່າງກ້ວາງຂວາງໃນ 6 ເດືອນກ່ອນທີ່ສະເໜີບົດລາຍງານແຫ່ງຊາດທີ່ສະພາສິດທິມະນຸດ”.