(vovworld) – ຕາມກົມລົງທຶນຕ່າງປະເທດ, ກະຊວງແຜນການ ແລະ ການລົງທຶນຫວຽດນາມ ແລ້ວ, ການລົງທຶນຂອງບັນດາວິສາຫະກິດເຢຍລະມັນ ເຂົ້າຫວຽດນາມ ມີທ່າເພີ່ມຂຶ້ນໃນຊຸມປີມໍ່ໆມານີ້. ມາຮອດປະຈຸບັນ, ເຢຍລະມັນ ມີ 224 ໂຄງການພວມລົງທຶນຢູ່ຫວຽດນາມ, ດ້ວຍຈຳນວນທຶນຈົດທະບຽນກວ່າ 1,340 ຕື້ USD, ຢືນອັນດັບທີ 22/101 ປະເທດ ແລະ ເຂດແຂວ້ນທີ່ລົງທຶນເຂົ້າຫວຽດນາມ. ຂໍ້ສະເໜີສ້າງຕັ້ງຫ້ອງການການຄ້າ ແລະ ອຸດສາຫະກຳຂອງເຢຍລະມັນ ປະຈຳຫວຽດນາມ ພວມໄດ້ຍື່ນສະເໜີຕໍ່ລັດຖະບານຫວຽດນາມ. ພາຍຫຼັງຫ້ອງການດັ່ງກ່າວໄດ້ຮັບການສ້າງຕັ້ງ, ການເຄື່ອນໄຫວການຄ້າ ແລະ ການລົງທຶນລະຫວ່າງ 2 ປະເທດອາດຈະເພີ່ມຂຶ້ນຢ່າງແຮງ. ນີ້ຈະແມ່ນກຳລັງໜູນຊຸກຍູ້ການພົວພັນລະຫວ່າງຫວຽດນາມ - ເຢຍລະມັນຢ່າງແຮງ. ທ່ານ Sigmar Gabriel, ຮອງນາຍົກລັດຖະມົນຕີ, ທັງເປັນລັດຖະມົນຕີວ່າການກະຊວງເສດຖະກິດ, ພະລັງງານເຍຢລະມັນ ໃຫ້ຮູ້ວ່າ.
“ບັນດາວິສາຫະກິດເຢຍລະມັນ ພວມເອົາໃຈໃສ່ເຖິງຫວຽດນາມ ຢ່າງຫຼວງຫຼາຍ. ການຟື້ນຟູພື້ນຖານເສດຖະກິດ, ໃນນັ້ນຂະແໜງອຸດສາຫະກຳ ແລະ ກໍ່ສ້າງ, ພ້ອມທັງບັນດາຄວາມມານະພະຍາຍາມໃນການປະຕິຮູບສະພາບແວດລ້ອມແຫ່ງການລົງທຶນ, ດຳເນີນທຸລະກິດໄດ້ຮັບຖືວ່າແມ່ນການສົ່ງເສີມວິສາຫະກິດຕ່າງປະເທດ, ລວມທັງວິສາຫະກິດເຢຍລະມັນ ລົງທຶນຢູ່ຫວຽດນາມ. ຫວຽດນາມ ມີບັນດາລະບຽບການອະນຸຍາດການລົງທຶນ ແລະ ລະບົບກົດໝາຍຈະແຈ້ງ, ພື້ນຖານໂຄງລ່າງສະດວກ… ຈະດຶງດູດບັນດາກຸ່ມບໍລິສັດໃຫຍ່ ແລະ ອາດຈະດຶງດູດໄດ້ບັນດາວິສາຫະກິດຂະໜາດກາງ ແລະ ນ້ອຍຂອງເຢຍລະມັນ ເຂົ້າມາລົງທຶນຢ່າງຍາວນານໄດ້.”