(vovworld) – ວັນທີ 14/07 ຢູ່ຮ່າໂນ້ຍ, ໄດ້ດຳເນີນກອງປະຊຸມສຳມະນາກ່ຽວກັບລະບົບຄຸ້ມຄອງສິ່ງເສດເຫຼືອດ້ານເອເລັກໂຕນິກສາກົນຄັ້ງທີ 4 ປີ 2014. ເຂົ້າຮ່ວມກອງປະຊຸມສຳມະນາມີຜູ້ແທນທີ່ມາຈາກບັນດາປະເທດຄື: ຫວຽດນາມ, ຍີ່ປຸ່ນ, ບາຣາຊິວ, ນີເຊເລຍ… ໃນໄລຍະຜ່ານມາ, ຂະແໜງອຸດສາຫະກຳເຕັກໂນໂລຊີຂໍ້ຂ່າວສານ ໄດ້ມີບັນດາບາດກ້າວພັດທະນາຢ່າງແຮງ. ຜ່ານຕົວເລກສະຖິຕິຊີ້ໃຫ້ເຫັນວ່າ, ຍອດລາຍຮັບດ້ານອຸດສາຫະກຳເຕັກໂນໂລຊີຂໍ້ມູນຂ່າວສານປີ 2012 ບັນລຸ 25,5 ຕື້ USD, ບັນລຸລະດັບເຕີບໂຕກວ່າ 86%; ການສົ່ງອອກຜະລິດຕະພັນດ້ານເຕັກໂນໂລຊີຂໍ້ມູນຂ່າວສານບັນລຸ 20 ຕື້ USD, ເພີ່ມຂຶ້ນ 82% ເມື່ອທຽບໃສ່ໄລຍະດຽວກັນຂອງປີ 2011.
ໃນຂອບເຂດກອງປະຊຸມສຳມະນາ, ຜູ້ແທນທີ່ມາຈາກບັນດາປະເທດ ໄດ້ພ້ອມກັນແລກປ່ຽນກ່ຽວກັບວຽກງານຄຸ້ມຄອງສິ່ງເສດເຫຼືອເອເລັກໂຕນິກໃໝ່ສຸດຢູ່ບັນດາປະເທດ ແລະ ພາກພື້ນ, ເພື່ອແນໃສ່ຊອກຮູ້ບົດຮຽນ ແລະ ທິດທາງທີ່ຖືກຕ້ອງໃນການຄຸ້ມຄອງ ແລະ ຈຳກັດສິ່ງເສດເຫຼືອດ້ານເອເລກໂຕນິກ, ຊ່ວຍປົກປັກຮັກສາສິ່ງແວດລ້ອມໃນທົ່ວໂລກ.