ຫວຽດນາມ ມອບປື້ມທີ່ມີຄ່າໃຫ້ລາວ
ຫວຽດນາມ ມອບປື້ມທີ່ມີຄ່າໃຫ້ລາວ
(ພາບ: kpl.net.la)
(vovworld) – ຕອນເຊົ້າວັນທີ 24/06, ຢູ່ຫ້ອງວ່າການສະພາແຫ່ງຊາດລາວ ໄດ້ດຳເນີນພິທີມອບຮັບປື້ມກ່ຽວກັບວັດທະນະທຳພື້ນເມືອງຫວຽດນາມ ໃຫ້ຫໍສະໜຸດສະພາແຫ່ງຊາດແຫ່ງ ສປປ ລາວ. ສາດສະດາຈານ, ດຣວິທະຍາສາດ ໂຕຫງອກແທງ, ປະທານສະພາວັນນະຄະດີ, ສິລະປະພື້ນເມືອງຫວຽດນາມ, ໄດ້ມອບປື້ມຊຸດທຳອິດໃຫ້ລາວ ລວມທັງ 2.500 ກິດຈະກຳກ່ຽວກັບວັດທະນະທຳ, ວັນນະຄະດີສິລະປະພື້ນເມືອງບັນດາເຜົ່າຫວຽດນາມ. ຊຸດປື້ມດັ່ງກ່າວແນະນຳວັດທະນະທຳພື້ນເມືອງຂອງ 54 ຊົນເຜົ່າຫວຽດນາມ, ຂຶ້ນກັບ 5 ຂົງເຂດໃຫຍ່ຄື: ວັດທະນະທຳການຜະລິດ, ວັດທະນະທຳສັງຄົມ, ວັດທະນະທຳດ້ານຈິດວິນຍານ ແລະ ວັດທະນະທຳກ່ຽວ ກັບຄວາມງາມ. ກ່າວຄຳເຫັນທີ່ພິທີມອບ, ທ່ານ ຄຳແພງ ວິລາພັນ, ຮອງຫົວໜ້າຫ້ອງວ່າການສະພາແຫ່ງຊາດລາວ ໄດ້ສະແດງຄວາມຂອບໃຈສະມາຄົມວັນນະຄະດີ, ສິລະປະພື້ນເມືອງຫວຽດນາມ ແລະ ທ່ານປະທານສະມາຄົມ ໂຕຫງອກແທງ ທີ່ໄດ້ມອບຊຸດປື້ມທີ່ມີຄ່າໃຫ້ສະພາແຫ່ງຊາດລາວ, ຊ່ວຍໃຫ້ບັນດານັກຄົ້ນຄວ້າລາວ ມີເອກະສານທາບທາມຄົ້ນຄວ້າກ່ຽວກັບວັດທະນະທຳພື້ນເມືອງບັນດາເຜົ່າຢູ່ລາວ.