ພິທີມອບລາງວັນ (ພາບ: TTXVN)

  ຕອນບ່າຍວັນທີ 11 ພະຈິກ, ຢູ່ສູນຝຶກແອບການທະຫານແຫ່ງຊາດເລກ 4, ກະຊວງປ້ອງກັນປະເທດ ຫວຽດນາມ ໄດ້ຈັດພິທີປິດ ການແຂ່ງຂັນຊິງລາງວັນຍິງປືນທະຫານບົກ ອາຊຽນ ຄັ້ງທີ 30 (AARM-30), ພາຍຫຼັງທີ່ດຳເນີນການແຂ່ງຂັນມາເປັນເວລາ 7 ວັນ. ຜົນມີຢູ່ວ່າ ຫວຽດນາມ ຢືນອັນດັບໜຶ່ງທົ່ວຄະນະ ດ້ວຍຫຼຽນຄຳ 17 ຫຼຽນ, ຫຼຽນເງິນ 15 ຫຼຽນ ແລະ ຫຼຽນທອງ 10 ຫຼຽນ. ຢືນອັນດັບທີ 2 ແລະ ທີ 3 ແມ່ນ ອິນໂດເນເຊຍ ແລະ ຟີລິບປິນ ຕາມລຳດັບ.

        ກ່າວຄຳເຫັນທີ່ພິທີປິດ, ທ່ານພົນຕີ ຫງວຽນວັນເຫງັຍ, ຮອງຫົວໜ້າກອງເສນາທິການໃຫຍ່ກອງທັບປະຊາຊົນ ຫວຽດນາມ ໄດ້ຢັ້ງຢືນວ່າ ການແຂ່ງຂັນຄັ້ງນີ້ ແມ່ນໂອກາດທີ່ດີເພື່ອໃຫ້ກອງທັບບັນດາປະເທດ ອາຊຽນ ເວົ້າລວມ ແລະ ທະຫານບົກບັນດາປະເທດ ອາຊຽນ ເວົ້າສະເພາະ ຊຸກຍູ້ການຮ່ວມມື, ປະກອບສ່ວນປົກປັກຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ ແລະ ພັດທະນາລວມໃນພາກພື້ນ ກໍຄື ໃນໂລກ.

        ປີ 2023, ໄທ ຈະເປັນປະເທດເຈົ້າພາບຈັດເຫດການດັ່ງກ່າວ.