ຫວຽດນາມ - ຢູແກຼນ ເພີ່ມທະວີການຮ່ວມມືສະພາແຫ່ງຊາດ
(ຫວຽດນາມ - ຢູແກຼນ ເພີ່ມທະວີການຮ່ວມມືສະພາແຫ່ງຊາດ)
(vovworld) - ໃນຂອບເຂດການຢ້ຽມຢາມ ຢູແກຼນ, ວັນທີ 05/12, ທ່ານຮອງປະທານສະພາແຫ່ງຊາດຫວຽດນາມ ຮີງງອກເຊີນ ໄດ້ມີການພົບປະກັບທ່ານຮອງປະທານຜູ້ທີ່ໜຶ່ງສະພາແຫ່ງຊາດຢູແກຼນ Kaletnhich ແລະ ທ່ານຫົວໜ້າກຳມາທິການປ້ອງກັນຊາດ, ປ້ອງກັນຄວາມສະຫງົບ ຢູແກຼນ Lit vin.
ທີ່ການຕ້ອນຮັບ, ທ່ານຮອງປະທານຜູ້ທີ່ໜຶ່ງສະພາແຫ່ງຊາດຢູແກຼນ Kaletnhich ຖືວ່າ, 2 ຝ່າຍຄວນສືບຕໍ່ເພີ່ມທະວີການແລກປ່ຽນບັນດາຄະນະຜູ້ແທນຂັ້ນສູງ, ແບ່ງປັນບົດຮຽນໃນຂົງເຂດນິຕິບັນຍັດ, ປະກອບສ່ວນປັບປຸງ ແລະ ພັດທະນາການພົວພັນລະຫວ່າງ 2 ປະເທດ.
ທ່ານຮອງປະທານສະພາແຫ່ງຊາດຮີງງວກເຊີນ ເຊື່ອໝັ້ນວ່າ ການຢ້ຽມຢາມຈະປະກອບສ່ວນຊຸກຍູ້ການພົວພັນມິດຕະພາບ ແລະ ການຮ່ວມມືລະຫວ່າງ 2 ອົງການນິຕິບັນຍັດຢ່າງແທດຈິງ, ພ້ອມທັງເປີດແງ່ຫວັງຮ່ວມມືໃໝ່ໃນການພົວພັນ 2 ຝ່າຍ ກໍ່ຄືການຮ່ວມມືໃນພາກພື້ນ ແລະ ຢູ່ໃນໂລກ. ທ່ານຮອງປະທານສະພາແຫ່ງຊາດ ຮີງງອກເຊີນ ຢືນຢັນວ່າ.
“ສະພາແຫ່ງຊາດຫວຽດນາມ ມີຄວາມປິຕິຊົມຊື່ນ ແລະ ຕີລາຄາສູງໝາກຜົນທີ່ບັນລຸໄດ້ໃນການພົວພັນມິດຕະພາບລະຫວ່າງ 2 ປະເທດ ແລະ ລະຫວ່າງ 2 ສະພາແຫ່ງຊາດ. ຜ່ານບັນດາການຢ້ຽມຢາມ ແລະ ແລກປ່ຽນບັນດາຄະນະຜູ້ແທນຂັ້ນສູງ ໄດ້ສ້າງຄວາມໄວ້ເນື້ອເຊື່ອໃຈ, ຄວາມເຂົ້າອົກເຂົ້າໃຈເຊິ່ງກັນ ແລະ ກັນ. ຮ່ວມມືທີ່ບັນດາອົງການ ແລະ ເວທີປາໄສຫຼາຍຝ່າຍຕ່າງໆ ກໍ່ຄືເວທີປາໄສສາກົນກໍ່ໄດ້ຮັບຄວາມເອົາໃຈໃສ່. 2 ຝ່າຍ ໄດ້ມີການສະໜັບສະໜູນ ແລະ ຊ່ວຍເຫຼືອເຊິ່ງກັນ ແລະ ກັນຢ່າງມີປະສິດທິຜົນ... ແຕ່ວ່າ, ເມື່ອທຽບໃສ່ຄວາມສາມາດບົມຊ້ອນຂອງ 2 ປະເທດ ຍັງມີຂໍ້ຈຳກັດຢູ່, ໂດຍສະ ເພາະແມ່ນໃນຂົງເຂດການຄ້າ ແລະ ການລົງທຶນ”.