(vovworld) - ໃນຂອບເຂດຂອງກອງປະຊຸມຄັ້ງທີ 15 ຄະນະກຳມາທິການລະຫວ່າງລັດຖະບານຫວຽດນາມ - ສະຫະພັນລັດເຊຍ ກ່ຽວກັບການຮ່ວມມືດ້ານເສດຖະກິດ, ການຄ້າ ແລະ ວິທະຍາສາດ, ເຕັກໂນໂລຊີ ເຊິ່ງດຳເນີນໄປຢູ່ນະຄອນຫຼວງມົດສກູ, ທ່ານຮອງນາຍົດລັດຖະມົນຕີ ທັງເປັນປະທານຄະນະກຳມາທິການຫວຽດນາມ - ລັດເຊຍ Hoang Trung Hai ແລະ ທ່ານຮອງນາຍົກລັດຖະມົນຕີທີ່ໜຶ່ງ ທັງເປັນປະທານຄະນະກຳມາທິການລັດເຊຍ - ຫວຽດນາມ Igor Shuvalov ໄດ້ລົງນາມໃນບົດບັນທຶກກ່ຽວກັບໝາກຜົນຂອງກອງປະຊຸມ ແລະ ຂໍ້ຕົງລົງກ່ຽວກັບກອງປະຊຸມຄັ້ງທີ 16 ຂອງຄະນະກຳມາທິການ ເຊິ່ງຈະດຳເນີນຢູ່ຮ່າໂນ້ຍ ໃນທ້າຍປີ 2013. ຮອງນາຍົກລັດຖະມົນຕີສອງທ່ານໄດ້ເປັນສັກຂີພິຍານພິທີລົງນາມໃນຖະແຫຼງການກ່ຽວກັບວິວັດທະນາການປະຕິບັດແຜນການເຄື່ອນໄຫວຮ່ວມມືຫວຽດນາມ - ສະຫະພັນລັດເຊຍ ໃນຂົງເຂດເສດຖະກິດ, ການຄ້າ ແລະ ການລົງທຶນຮອດປີ 2015, ພ້ອມທັງຕົກລົງສ້າງຕັ້ງໜ່ວຍປະຕິບັດງານລວມຂັ້ນສູງໂດຍລັດຖະມົນຕີກະຊວງອຸດສາຫະກຳການຄ້າຫວຽດນາມ ແລະ ລັດຖະມົນຕີກະຊວງພັດທະນາເສດຖະກິດສະຫະພັນລັດເຊຍນຳໜ້າ, ເພື່ອແນໃສ່ຊຸກຍູ້ບັນດາໂຄງການຮ່ວມມືລະຫວ່າງສອງປະເທດ. ສອງຝ່າຍກໍ່ເຫັນດີຊຸກຍູ້ການພົວພັນຮ່ວມມືລະຫວ່າງບັນດາທ້ອງຖິ່ນຂອງສອງປະເທດ, ພ້ອມກັນນັ້ນ, ສອງຝ່າຍກໍແລກປ່ຽນ ແລະ ເປັນເອກະພາບນຳກັນບັນດາມາດຕະການເພີ່ມທະວີການຮ່ວມມືໃນຂົງເຂດອຸດສາຫະກຳ, ກະສິກຳ, ທ່ອງທ່ຽວ, ການເງິນ…