(vovworld) – ວັນທີ 10/10, ກອງປະຊຸມລັດຖະມົນຕີສະເພາະກິດສອນວິຊາຊີບ 3 ປະເທດ ຫວຽດນາມ - ລາວ - ກຳປູເຈຍ ຖືກຈັດຂຶ້ນຢູ່ ວຽງຈັນ, ລາວ. ທ່ານຮອງລັດຖະມົນຕີກະຊວງສຶກສາ ແລະ ບຳລຸງສ້າງ ບູ່ຍວັນກາ ແລະ ທ່ານຮອງລັດຖະມົນຕີກະຊວງແຮງງານ ທະຫານເສຍອົງຄະ ແລະ ສັງຄົມ ຫງວຽນງອກຟີ ຕາງໜ້າໃຫ້ ຫວຽດນາມ ເຂົ້າຮ່ວມກອງປະຊຸມ. ກອງປະຊຸມຕີລາຄາສູງໝາກຜົນຂອງການຮ່ວມມືລະຫວ່າງ 3 ປະເທດ ຫວຽດນາມ - ລາວ - ກຳປູເຈຍ ກັບອົງການພາສາ ຝຣັ່ງ OIF ແລະ ສະຫະສະມາຄົມຊຸກຍູ້ການສຶກສາ ແລະ ບຳລຸງສ້າງຢູ່ຕ່າງປະເທດຂອງລາຊະອານາຈັກ ແບນຊິກ APEFE ໃນໄລຍະຜ່ານມາ. ບັນດາຝ່າຍເຫັນດີເປັນເອກະສັນກ່ຽວກັບການສົມທົບກັນໃນການປະຕິບັດແຜນການວາງອອກໃນຂົງເຂດຕ່າງໆຄື: ຜັນຂະຫຍາຍການຮ່ວມມືສົມທົບກັບຄວາມຮຽກຮ້ອງຕ້ອງການຂອງບັນດາຝ່າຍກໍຄືຄວາມສາມາດຕອບສະໜອງຂອງ OIF ແລະ APEFE. ໃນໄລຍະຈະມາເຖິງ, ບັນດາຝ່າຍສືບຕໍເພີ່ມທະວີການຮ່ວມມື, ແບ່ງປັນບົດຮຽນໃນການສ້າງ ແລະ ຄຸມຄອງບັນດານະໂຍບາຍກ່ຽວກັບການສຶກສາ ແລະ ບຳລຸງສ້າງ, ກໍ່ຄືການສ້າງໂຄງການທົດລອງຢ່າງເໝາະສົມເພື່ອບັນລຸໄດ້ໝາກຜົນສູງສຸດ.
ທີ່ກອງປະຊຸມ, ຄະນະຜູ້ແທນ ຫວຽດນາມ ໄດ້ຕີລາຄາສູງໂຄງການຮ່ວມມືລະຫວ່າງຝ່າຍຕ່າງໆ, ພ້ອມທັງສະເໜີເພີ່ມທະວີການຮ່ວມມືລະຫວ່າງ 3 ປະເທດ ຫວຽດນາມ - ລາວ - ກຳປູເຈຍ, ເພື່ອແນໃສ່ແບ່ງປັນບົດຮຽນພັດທະນາການສຶກສາ ແລະ ບຳລຸງສ້າງວິຊາຊີບ, ໜູນຊ່ວຍຍົກສູງກຳລັງຄວາມສາມາດຄຸ້ມຄອງການເງິນຢູ່ໂຮງຮຽນຢ່າງມີປະສິດທິຜົນ...