ຫວຽດນາມ - ລາວ ສືບຕໍ່ຜັນຂະຫຍາຍ ການທ້ອນໂຮມອັດຖິ ນັກຮົບທີ່ເສຍສະຫຼະຊີວິດເພື່ອຊາດ
(ພາບປະກອບ)
(vovworld) - ໃນລະດູແລ້ງປີ 2012 – 2013, ນະຄອນຫຼວງວຽງຈັນ, ແຂວງຊຽງຂວາງ ແລະ ແຂວງ ເຫ້ງອານ ໄດ້ສົມທົບກັນຊອກຫາອັດຖິທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດເພື່ອຊາດ, ກ່ວາ 90 ຊຸດ ໃນບໍລິເວັນ 2 ແຂວງຂອງລາວ.
ທີ່ກອງປະຊຸມຜັນຂະຫຍາຍວຽກງານທ້ອນໂຮມອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດເພື່ອຊາດ ໃນລະດູແລ້ງປີ 2012 – 2013 ເຊິ່ງດຳເນີນໄປຢູ່ນະຄອນຫຼວງວຽງຈັນ, 2 ຝ່າຍໄດ້ເຫັນດີຖືວ່າ ມາດຕະການແກ້ໄຂສຳຄັນເພື່ອປະຕິບັດແຜນການຊອກຫາຢ່າງມີປະສິດທິຜົນ ນັ້ນແມ່ນຂົນຂວາຍປະຊາຊົນບັນດາທ້ອງຖິ່ນ 2 ແຂວງຂອງລາວ ຊ່ວຍເຫຼືອຊອກຫາ, ໜູນຊ່ວຍການຮັບປະກັນຄວາປອດໄພໃຫ້ແກ່ຄະນະ.
ໂດຍປະຕິບັດສັນຍາລະຫວ່າງລັດຖະບານ 2 ປະເທດຫວຽດນາມ - ລາວ ນັບແຕ່ປີ 1984 ມາຮອດປະຈຸບັນ, ແຂວງ ເຫ້ງອານ ຊອກຫາ ແລະ ທ້ອນໂຮມອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ໄດ້ເສຍສະຫຼະຊີວິດໃນການຕໍ່ສູ້ຢູ່ວຽງຈັນ ແລະ ຊຽງຂວາງ ກ່ວາ 12.000 ຊຸດ. ໄລ່ສະເພາະລະດູແລ້ງປີ 2012 – 2013, ຄະນະປະຕິບັດງານພິເສດຂອງ 3 ແຂວງວຽກຈັນ, ຊຽງຂວາງ ແລະ ເຫ້ງອານ ທ້ອນໂຮມອັດຖິທະຫານເສຍສະຫຼະຊີວິດເພື່ອຊາດໄດ້168 ຊຸດ.