(vovworld) - ກອງປະຊຸມຄະນະກຳມາທິການລະຫວ່າງລັດຖະບານຫວຽດນາມ - ລາວ ຖືກໄຂຂຶ້ນໃນວັນທີ 17/12, ຢູ່ນະຄອນຫຼວງ ວຽງຈັນ, ປະເທດລາວ. ໂດຍທ່ານຫງວຽນຊວນຟຸກ ກຳມະການກົມການເມືອງ, ຮອງນາຍົກລັດຖະມົນຕີ ສສ ຫວຽດນາມ ແລະ ທ່ານ ສົມສະຫວາດ ເລັ່ງສະຫວັດ, ກຳມະການກົມການເມືອງ, ຮອງນາຍົກລັດຖະມົນຕີ ສປປ ລາວ ເປັນປະທານຮ່ວມກອງປະຊຸມ.
ກ່ຽວກັບທິດທາງຮ່ວມມືໃນປີ 2014, ລັດຖະບານ 2 ປະເທດ ໄດ້ເຫັນດີສືບຕໍ່ປະຕິບັດຍຸດທະສາດກ່ຽວກັບການຮ່ວມມືໄລຍະ 10 ປີ 2011 – 2020 ແລະ ສັນຍາຮ່ວມມື 5 ປີ 2011 – 2015, ໃນນັ້ນສຸມໃສ່ປະຕິບັດບັນດາຖະແຫຼງການຮ່ວມ ແລະ ຂໍ້ຕົກລົງຂັ້ນສູງລະຫວ່າງການນຳ 2 ພັກ, 2 ລັດເປັນຢ່າງດີ; ສືບຕໍ່ແລກປ່ຽນຄະນະຜູ້ແທນທຸກຂັ້ນ; ສືບຕໍ່ແບ່ງປັນຂໍ້ມູນຂ່າວສານ ແລະ ສົມທົບກັນທີ່ບັນດາເວທີປາໄສພາກພື້ນ ແລະ ສາກົນຢ່າງແໜ້ນແຟ້ນ; ເອົາໃຈໃສ່ເຖິງການຮ່ວມມືກໍ່ສ້າງເສັ້ນຊາຍແດນລະຫວ່າງຫວຽດນາມ - ລາວ. ໃນຂົງເຂດເສດຖະກິດ, 2 ຝ່າຍສືບຕໍ່ຜັນຂະຫຍາຍອານຸສັນຍາປັບປຸງສັນຍາລະຫວ່າງ 2 ລັດຖະບານກ່ຽວກັບການສົ່ງເສີມ ແລະ ອາລັກຂາແກ່ການລົງທຶນຢ່າງມີປະສິດທິຜົນ; ຜັນຂະຫຍາຍແຜນຮ່າງພັດທະນາດ້ານການຄ້າລະຫວ່າງ 2 ປະເທດໃນໄລຍະ 2008 – 2015 ຢ່າງຄົບຊຸດ, ສູ້ຊົນນຳວົງເງິນຂາອອກ - ຂາເຂົ້າລະຫວ່າງ 2 ປະເທດໃນີ 2014 ໃຫ້ບັນລຸລະດັບເຕີບໂຕ 20%... 2 ຝ່າຍພ້ອມກັນເອົາໃຈໃສ່ເພື່ອແນໃສ່ຊຸກຍູ້ສາຍພົວພັນທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດ ໃຫ້ນັບມື້ນັບເຂົ້າສູ່ລວງເລີກ ແລະ ບັນລຸປະສິດທິຜົນຢ່າງແທດຈິງ.
ສິ້ນສຸດກອງປະຊຸມ, 2 ຝ່າຍໄດ້ລົງນາມໃນສັນຍາກ່ຽວກັບການຮ່ວມມືດ້ານເສດຖະກິດ, ວັດທະນະທຳ, ການສຶກສາ ແລະ ວິທະຍາສາດເຕັກນິກລະຫວ່າງຫວຽດນາມ - ລາວປີ 2014; ບົດບັນທຶກຊ່ວຍຈຳຂອງກອງປະຊຸມຄະນະກຳມາທິການລະຫວ່າງລັດຖະບານຫວຽດນາມ - ລາວຄັ້ງທີ 36 ແລະ ເອກະສານສຳຄັນບາງສະບັບອື່ນອີກດ້ວຍ.
ທີ່ບັນດາການພົບປະເມື່ອຕອນບ່າຍວັນທີ 17/12 ກັບທ່ານເລຂາທິການໃຫຍ່, ປະທານປະເທດລາວ ຈູມມາລີໄຊຍະສອນ, ທ່່ານນາຍົກລັດຖະມົນຕີລາວ ທອງສິງທຳມະວົງ ແລະ ທ່່ານນາງປະທານສະພາແຫ່ງຊາດລາວ ປານີຢາທໍຕູ້, ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ຢືນຢັນວ່າ ພັກ, ລັດ ແລະ ປະຊາຊົນຫວຽດນາມຖືເປັນສຳຄັນພິເສດ ແລະ ສະຫງວນບຸລິມະສິດສູງ
ສຸດໃຫ້ແກ່ການປັບປຸງ ແລະ ເພີ່ມທະວີສາຍພົວພັນແບບພິເສດຫວຽດນາມ - ລາວ. ບັນດາການນຳລາວເຊື່ອໝັ້ນຕໍ່ເລື່ອງ 2 ຝ່າຍເດັດດຽວແກ້ໄຂຄວາມຫຍຸ້ງຍາກ, ສິ່ງທີ່ຍັງຄົງຄ້າງ, ປະກອບສ່ວນນຳການພົວພັນຮ່ວມມືລະຫວ່າງ 2 ປະເທດສືບຕໍ່ພັດທະນາຢ່າງມີປະສິດທິຜົນໃນທຸກໆຂົງເຂດ, ເປັນຕົ້ນແມ່ນດ້ານເສດຖະກິດ, ການຄ້າ, ການລົງທຶນ, ການສຶກສາ....