ກົມໃຫຍ່ສະຖິຕິໃຫ້ຮູ້ວ່າ, ວົງເງິນສິນຄ້າສົ່ງອອກໃນເດືອນ 11 ຂອງ ຫວຽດນາມຄາດວ່າ ບັນລຸກ່ວາ 19 ຕື້ USD. ໄລ່ລວມ 11 ເດືອນຜ່ານມາ, ວົງເງິນສິນຄ້າສົ່ງອອກຄາດວ່າບັນລຸ 193,8 ຕື້, ເພີ່ມຂຶ້ນກ່ວາ 21% ເມື່ອທຽບໃສ່ໄລຍະດຽວກັນຂອງປີກາຍ. ໃນຂະນະນັ້ນ, ວົງເງິນສິນຄ້າສົ່ງອອກໃນເດືອນ ພະຈິກ ຄາດວ່າບັນລຸໄດ້ 19 ຕື້ USD. ໄລ່ລວມ 11 ເດືອນຜ່ານມາ, ວົງເງິນສິນຄ້ານຳເຂົ້າຄາດວ່າບັນລຸ 191 ຕື້ USD, ເພີ່ມຂຶ້ນ 21% ເມື່ອທຽບໃສ່ໄລຍະດຽວກັນຂອງປີກາຍ. ດຸ່ນການຄ້າສິນຄ້າເດືອນພະຈິກ ຄາດວ່າສົ່ງອອກເກີນດຸນ 200 ລ້ານ USD. ໄລ່ລວມ 11 ເດືອນຜ່ານມາ, ທົ່ວປະເທດສົ່ງອອກເກີນດຸນ 2,8 ຕື້ USD.

        ວົງເງິນການສົ່ງອອກບາງປະເພດສິນຄ້າຕົ້ນຕໍສືບຕໍ່ເພີ່ມຂຶ້ນພໍສົມຄວນເມື່ອທຽບໃສ່ໄລຍະດຽວກັນຂອງປີກາຍຄື: ໂທລະສັບ ແລະ ເຄື່ອງອາໄຫລ່; ເຄື່ອງເອເລັກໂຕນິກ; ເຄື່ອງຕ່ຳແຜ່ນຕັດຫຍິບ… ກ່ຽວກັບຕະຫຼາດສິນຄ້າສົ່ງອອກ 11 ເດືອນ, ອາເມລິກາ ຍັງແມ່ນຕະຫຼາດນຳໜ້າ; ຈາກນັ້ນແມ່ນ ສະຫະພາບ ເອີລົບ; ຈີນ; ຕະຫຼາດ ອາຊຽນ; ຍີ່ປຸ່ນ, ສ. ເກົາຫຼີ.