(vovworld) - ກອງປະຊຸມສຸດຍອດການບິນຂອງສະຫະພາບເອີລົບ (EU) ແລະ ອາຊຽນ ສິ້ນສຸດລົງຢູ່ສິງກະໂປ ໃນວັນທີ 12/02, ພາຍຫຼັງຈັດກອງປະຊຸມມາເປັນເວລາ 2 ວັນໄດ້ເຫັນດີຊຸກຍູ້ວິວັດການເຈລະຈາກ້າວໄປເຖິງການລົງນາມໃນສັນຍາຂົນສົ່ງສິນຄ້າຮອບດ້ານລະຫວ່າງ EU ແລະ ຫວຽດນາມ.
ກອງປະຊຸມໄດ້ຮັບຮອງເອົາຖະແຫຼງການຮ່ວມ, ເນັ້ນໜັກເຖິງຄວາມສຳຄັນຂອງການເພີ່ມທະວີການຮ່ວມມື ແລະ ບົດບາດສຳຄັນຂອງໂຄງການກໍ່ສ້າງຕະຫຼາດການບິນເປັນເອກະພາບ (SAM) ຂອງອາຊຽນ ໂດຍ EU ອຸປະຖຳ. ຖະແຫຼງການຢືນຢັນວ່າ ກອງປະຊຸມໄດ້ສ້າງພື້ນຖານທີ່ມີຜົນປະໂຫຍດໃຫ້ເລື່ອງເຮັດໃຫ້ການເຈລະຈາດ້ານການບິນຍຸດທະສາດລະຫວ່າງ ອາຊຽນ EU ເລິກເຊິງກວ່າ ແລະ ກຳນົດບັນດາຂົງເຂດໃຫ້ບຸລິມະສິດ ແລະ ມາດຕະການຈຳເປັນ ເພື່ອເພີ່ມທະວີການຮ່ວມມື. ທີ່ກອງປະຊຸມ, ທ່ານຮອງຫົວໜ້າກົມການບິນຫວຽດນາມ ດິງຫວຽດທັ໋ງ ຢືນຢັນວ່າ, ຍາມໃດຫວຽດນາມ ກໍ່ສະໜັບສະໜູນການປະຕິບັດນະໂຍບາຍ Sam ໃນພາກພື້ນອາຊີຕາເວັນອອກສ່ຽງໃຕ້ຢ່າງແຮງ ແລະ ມີບັນດາບາດກ້າວທີ່ເໝາະສົມ ດ້ວຍຂໍ້ລິເລີ່ມສ້າງຕັ້ງຕະຫຼາດດັ່ງກ່າວໃນປີ 2015. ຫວຽດນາມ ໃຫ້ຄຳໝັ້ນສັນຍາເຂົ້າຮ່ວມຢ່າງເລິກເຊິ່ງກ້ວາງຂວາງກວ່າ ເພື່ອສ້າງຕັ້ງຕະຫຼາດການບິນລວມອາຊຽນ, ກ້າວໄປເຖິງການສ້າງປະຊາຄົມເສດຖະກິດຮ່ວມອາຊຽນ.