ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດຫວຽດນາມ ຟ້າມຫາຍແອັງ, ຮອງຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ, ໄດ້ເນັ້ນໜັກເຖິງຄວາມສຳຄັນຂອງເລື່ອງສືບຕໍ່ຮັກສາການໂອ້ລົມສົນທະນາ ແລະ ການເຈລະຈາມີລັກສະນະສ້າງສັນລະຫວ່າງ ລັດຖະບານຊີຣີ ແລະ ຝ່າຍຄ້ານ, ໃນນັ້ນຄວນເປັນເອກະພາບກ່ຽວກັບໂຄງການດຳເນີນງານໂດຍໄວ ເພື່ອດຳເນີນບັນດາກອງປະຊຸມຄັ້ງຕໍ່ໄປ. ທ່ານເອກອັກຄະລັດຖະທູດໄດ້ເນັ້ນໜັກເຖິງຄວາມຈຳເປັນຕ້ອງຮັກສາຄວາມໝັ້ນຄົງ, ສະຖຽນລະພາບອັນຍາວນານເພື່ອຮັບໃຊ້ໃຫ້ແກ່ການເຈລະຈາ, ເພີ່ມທະວີບັນດາຄວາມມານະພະຍາຍາມດ້ານການທູດເພື່ອໜູນຊ່ວຍໃຫ້ແກ່ວິວັດທະນາການດ້ານການເມືອງ ແລະ ຮັກສາການຊ່ວຍເຫຼືອໃຫ້ແກ່ຊີຣີ ຕໍ່ໜ້າຄວາມຫຍຸ້ງຍາກ, ສິ່ງທ້າທາຍທາງດ້ານເສດຖະກິດ-ສັງຄົມ, ມະນຸດສະທຳ ແລະ ການປ້ອງກັນ, ສະກັດກັ້ນໂລກລະບາດໃນປະຈຸບັນ.