ຫວຽດນາມ - ອົດສຕາລີ ເພີ່ມທະວີການຮ່ວມມືດ້ານປ້ອງກັນຊາດ
ພົນເອກ Mark Binskin ແລະ ພົນໂທ ໂດ້ບ໋າຕິ້
(ພາບ: Vietnamplus.vn)
(vovworld) – ໂດຍໄດ້ຮັບຄຳເຊີນຂອງພົນເອກ Mark Binskin, ຜູ້ບັນຊາການກຳລັງປ້ອງກັນປະເທດອົດສຕາລີ, ຄະນະຜູ້ແທນການທະຫານຂັ້ນສູງກອງທັບປະຊາຊົນ ຫວຽດນາມ ໂດຍພົນໂທ ໂດ້ບ໋າຕິ້, ເສນາທິການໃຫຍ່, ລັດຖະມົນຕີຊ່ວຍວ່າການກະຊວງປ້ອງກັນປະເທດນຳໜ້າ, ໄປໄດ້ຢ້ຽມຢາມສັນຕິພາບອົດສຕາລີ ຢ່າງເປັນທາງການໃນລະຫວ່າງວັນທີ 08 – 12/11. ທີ່ການພົບປະ, ພົນເອກ Mark Binskin ແລະ ພົນໂທ ໂດ້ບ໋າຕິ້ ໄດ້ແລກປ່ຽນບັນດາບັນຫາພາກພື້ນ ແລະ ຂອງແຕ່ລະປະເທດ ເຊິ່ງຕ່າງຝ່າຍຕ່າງມີຄວາມສົນໃຈ. 2 ຝ່າຍໄດ້ປຶກສາຫາລືບັນດາມາດຕະການເພື່ອແນໃສ່ຜັນຂະຫຍາຍບັນດາເນື້ອໃນຮ່ວມມືໃນຂອບເຂດ “ບົດບັນທຶກຊ່ວຍຈຳກ່ຽວກັບການຮ່ວມມືດ້ານປ້ອງກັນຊາດ” ເຊິ່ງໄດ້ລົງນາມເມື່ອປີ 2010 ລະຫວ່າງຫວຽດນາມ ແລະ ອົດສຕາລີ ຢ່າງມີປະສິດທິຜົນ, ເໝາະສົມກັບເນື້ອໃນການພົວພັນຄູ່ຮ່ວມມືຮອບດ້ານລະຫວ່າງ 2 ປະເທດ, ໃນນັ້ນສຸມໃສ່ເຂົ້າໃນບັນດາເນື້ອໃນຄື ສືບຕໍ່ຮັກສາບັນດາກົນໄກການເຈລະຈາ ແລະ ເພີ່ມທະວີການທາບທາມຄວາມເຫັນໃນຂອບເຂດຮ່ວມມືຫຼາຍຝ່າຍ ແລະ ພາກພື້ນ; ສືບຕໍ່ແລກປ່ຽນຄະນະຜູ້ແທນທຸກຂັ້ນ. ພົນໂທ ໂດ້ບ໋າຕິ້ ເນັ້ນໜັກວ່າ, ຫວຽດນາມ ປາດຖະໜາຢາກສືບຕໍ່ໄດ້ຮັບການສະໜັບສະໜູນຈາກອົດສຕາລີ ໃນຂົງເຂດມະນຸດສະທຳ ແກ້ໄຂຜົນຮ້າຍຢ້ອນຫຼັງຈາກສົງຄາມຢູ່ຫວຽດນາມ, ສະໜັບສະໜູນຫວຽດນາມບົນເວທີປາໄສຫຼາຍຝ່າຍ ແລະ ພາກພື້ນກວ່າອີກ, ຜ່ານນັ້ນ, ຊຸກຍູ້ການພົວພັນດ້ານປ້ອງກັນຊາດລະຫວ່າງຫວຽດນາມ ແລະ ອົດສຕາລີ, ປະກອບສ່ວນເຂົ້າໃນການຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ ແລະ ພັດທະນາໃນພາກພື້ນ.