(vovworld) - ແຕ່ວັນທີ 3 – 10/3, ຄະນະຜູ້ແທນສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ ດີໂອຊິນ ຫວຽດນາມ (ຫຼື VAVA) ໂດຍທ່ານປະທານ ຫງວຽນວັນຣິງ ນຳໜ້າ ໄດ້ມີການຢ້ຽມຢາມ ແລະ ເຮັດວຽກຢູ່ ອົດສະຕາລີ. ຈຸດໝາຍຂອງຄະນະແມ່ນເພີ່ມທະວີການຮ່ວມມື ແລະ ເຊື່ອມຕໍ່ກັບບັນດາອົງການກຸສົນ, ບັນດານັກເຄື່ອນໄຫວດ້ານມະນຸດສະທຳ... ຢູ່ ອົດສະຕາລີ ເພື່ອແນໃສ່ເພີ່ມທະວີການຂົນຂວາຍສາກົນສະໜັບສະໜູນບັນດາຜູ້ປະສົບເຄາະຮ້າຍຈາກທາດພິດສີສົ້ມ/ ດີໂອຊິນ ຢູ່ ຫວຽດນາມ, ອົດສະຕາລີ, New Zealand, ອາເມລິກາ ແລະ ປະເທດ ອື່ນໆ. ທ່ານປະທານ VAVA ຫງວຽນວັນຣິງ ເນັ້ນໜັກບັນດາຂໍ້ມູນຂ່າວເຊິ່ງ ຄະນະໄດ້ໂຄສະນາຈະຊ່ວຍໃຫ້ລັດຖະບານ ແລະ ປະຊາຊົນ ອົດສະຕາລີ ມີຄວາມເຂົ້າໃຈຕື່ມອີກ ກ່ຽວກັບຜົນຮ້າຍຂອງທາດຜິດສີສົ້ມ/ ດີໂອຊິນ ທີ່ມີຕໍ່ສິ່ງແວດລ້ອມ ແລະ ສຸຂະພາບຂອງປະຊາຊົນ ຫວຽດນາມ ກໍ່ຄືສຸຂະພາບຂອງນັກຮົບເກົ່າ ຢູ່ບັນດາປະເທດພັນທະມິດຂອງ ອາເມລິກາ ທີ່ເຂົ້າຮ່ວມສົງຄາມ ຢູ່ ຫວຽດນາມ.