(vovworld) - ກອງປະຊຸມຄົບຄະນະຄັ້ງທີ 37 ຂອງຄະນະກຳມະການມໍລະດົກໂລກ (WHC) ຂຶ້ນກັບອົງການສຶກສາວິທະຍາສາດ ແລະ ວັດທະນະທຳສະຫະປະຊາຊາດ (UNESCO) ຖືກໄຂຂຶ້ນເມື່ອຕອນບ່າຍວັນທີ 16/06, ຢູ່ນະຄອນຫຼວງ ພະນົມເປັນ, ປະເທດກຳປຸເຈຍ. ແຕ່ວັນທີ 16 ຫາ 27/06, ໃນບັນດາວາລະປະຊຸມເຊິ່ງດຳເນີນໄປຢູ່ພະນົມເປັນ ແລະ ຊຽມຣຽບ, ບັນດາສະມາຊິກຄະນະກຳມະການມໍລະດົກໂລກ ຈະພິຈາລະນາສຳເນົາເອກະສານ 32 ຊຸດຂອງບັນດາປະເທດ, ເພື່ອຄັດເລືອກບັນດາມໍລະດົດວັດທະນະທຳ ແລະ ທຳມະຊາດມີຄຸນຄ່າດີເດັ່ນ ເພື່ອເພີ່ມເຕີ່ມເຂົ້າໃນບັນຊີລາຍຊື່ບັນດາ “ມໍລະດົກໂລກ” ເຊິ່ງໄດ້ຮັບການຮັບຮອງ. ສຳລັບຫວຽດນາມ , ກອງປະຊຸມຄັ້ງນີ້ແມ່ນຂີດໝາຍເປັນຄັ້ງທຳອິດທີ່ຫວຽດນາມ ຂົນຂວາຍສະໝັກເຂົ້າຮ່ວມຄະນະກຳມະການມໍລະດົກໂລກ ເຊິ່ງລວມມີ 21 ສະມາຊິກ. ທ່ານ ຫງວຽນກ໋ວກຮຸ່ງ, ຮອງກົວໜ້າກົມມໍລະດົກ, ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມໃຫ້ຮູ້ວ່າ.
“ຫວຽດນາມ ຍັງບໍ່ທັນອອກສະໝັກເຂົ້າຮ່ວມຄະນະກຳມະການມໍລະດົກໂລກຈັດເທື່ອ ສະນັ້ນ, ກາລະໂອກາດສຳລັບບັນດາຄະນະຜູ້ແທນແມ່ນຄືກັນ. ແຕ່ພວກຂ້າພະເຈົ້າຫວັງວ່າ ຍ້ອນ ຫວຽດນາມ ຍັງບໍ່ທັນເຂົ້າຮ່ວມຄະນະກຳມະການມໍລະດົກໂລກຈັກເທື່ອ ດັ່ງນັ້ນ, ແນ່ນອນວ່າຈະມີໂອກາດຫຼາຍກວ່າເມື່ອທຽບກັບບັນດາປະເທດທີ່ເຄີຍໄດ້ເຂົ້າຮ່ວມຄະນະກຳມະການມໍລະດົກໂລກມາແລ້ວ.”