(vovworld) - ຫວຽດນາມ - ອານເຊີຣີ ແລກປ່ຽນເອກະສານໃຫ້ສັດຕະຍາບັນ ສັນຍາ 2 ສະບັບໃນຂົງເຂດຕຸລາການ, ນັ້ນແມ່ນສັນຍາໜູນຊ່ວຍດ້ານຕຸລາການກ່ຽວກັບອາຍາ ແລະ ສັນຍາພາຕົວເຊິ່ງໄດ້ຮັບການລົງນາມເມື່ອວັນທີ 14/04/2010. ສັນຍາຈະມີຜົນບັງຄັບໃຊ້ພາຍຫຼັງ 30 ວັນ ນັບແຕ່ມືດຳເນີນການແລກປ່ຽນບັນດາເອກະສານໃຫ້ສັດຕະຍາບັນ. ການແລກປ່ຽນເອກະສານຖືກດຳເນີນເມື່ອວັນທີ 26/02 ຢູ່ອານເຊີຣີ ລະຫວ່າງທ່ານລັດຖະມົນຕີກະຊວງຍຸຕິທຳຫວຽດນາມ ຮ່າຮຸ່ງເກື່ອງ ແລະ ທ່ານລັດຖະມົນຕີຜູ້ຮັບຜິດຊອບກະຊວງຍຸຕິທຳ ອານເຊີຣີ Tayeb Louh.
ເນື່ອງໃນໂອກາດນີ້, ທ່ານລັດຖະມົນຕີ ຮ່າຮຸ່ງເກື່ອງ ໄດ້ມີການເຈລະຈາກັບຜູ້ຮ່ວມຕຳແໜ່ງອານເຊີຣີ Tayeb Louh, ທ່ານລັດຖະມົນຕີ ຮ່າຮຸ່ງເກື່ອງ ສະແດງຄວາມປາດຖະໜາວ່າ ການຮ່ວມມືລະຫວ່າງ 2 ກະຊວງຈະສຸມໃສ່ເຂົ້າໃນ 3 ຂົງເຂດຕົ້ນຕໍຄື: ບົດຮຽນກ່ຽວກັບດ້ານຂໍ້ມູນຂ່າວ, ສ້າງລະບອບກົດໝາຍ ແລະ ບັນດາກົດໝາຍສຳຄັນຄື: ອາຍາ, ແຜ່ງ, ດຳເນີນຄະດີໃຫ້ສົມບູນແບບ ເພື່ອແນໃສ່ຮັບປະກັນລັກສະນະເປັນເອກະລາດຂອງສານ; ນຳໃຊ້ເຕັກໂນໂລຊີຂໍ້ມູນຂ່າວສານທີ່ທັນສະໄໝ; ສຶກສາບຳລຸງສ້າງດ້ານກົດໝາຍ ແລະ ຕຳແໜ່ງຕຸລາການ.