(ທ່ານເອກອັກຄະລັດຖະທູດ ຟ້າມຫາຍແອັງ)

ວັນທີ 20 ພຶດສະພາ (ຕາມເວລາ ນິວຢອກ), ສະພາຄວາມໝັ້ນຄົງສະຫະປະຊາຊາດໄດ້ຈັດກອງປະຊຸມເປີດທາງອອນລາຍກ່ຽວກັບສະພາບການຢູ່ ຊູດັງ ແລະ ການເຄື່ອນໄຫວຂອງຄະນະປະຕິບັດງານໜູນຊ່ວຍການຂ້າມຜ່ານໂຮມເປັນໜຶ່ງດຽວຂອງສະຫະປະຊາຊາດຢູ່ປະເທດນີ້ (UNITAMS).

        ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ຟ້າມຫາຍແອັງ, ຮອງຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ ໄດ້ຕີລາຄາສູງບັນດາບາດກ້າວຄືບໜ້າຢູ່ ຊູດັງ ໃນໄລຍະຜ່ານມາ ແລະ ສະແດງຄວາມປາດຖະໜາວ່າ ລັດຖະບານ ແລະ ບັນດາຝ່າຍທີ່ກ່ຽວຂ້ອງຢູ່ ຊູດັງ ຈະຊຸກຍູ້ວິວັດທະນາການຂ້າມຜ່ານໃຫ້ເໝາະສົມກັບຂໍ້ຕົກລົງສັນຕິພາບເມື່ອວັນທີ 03 ຕຸລາ 2020, ໃນນັ້ນມີເລື່ອງເພີ່ມທະວີການເຂົ້າຮ່ວມຂອງແມ່ຍິງ ແລະ ຊາວໜຸ່ມ. ທ່ານເອກອັກຄະລັດຖະທູດ ຮຽກຮ້ອງໃຫ້ ຊູດັງ ຈົ່ງມານະພະຍາຍາມຮັບປະກັນໜ້າທີ່ແຖວໜ້າໃນການປົກປ້ອງສາມັນຊົນ ແລະ ແກ້ໄຂບັນຫາໃຊ້ຄວາມຮຸນແຮງລະຫວ່າງບັນດາປະຊາຄົມໃຫ້ເຖິງກົກເຖິງຮາກ, ໃນນັ້ນມີການເພີ່ມທະວີການເຈລະຈາ ແລະ ໄກ່ເກ່ຍ.

        ທ່ານເອກອັກຄະລັດຖະທູດ ຟ້າມຫາຍແອັງ ຢືນຢັນຄືນການສະໜັບສະໜູນສຳລັບບັນດາຄວາມມານະພະຍາຍາມຂອງຄະນະປະຕິບັດງານໜູນຊ່ວຍຂອງສະຫະປະຊາຊາດຢູ່ ຊູດັງ ແລະ ສະໜັບສະໜູນການຕໍ່ກຳນົດເວລາຂອງຄະນະປະຕິບັດງານ ສືບຕໍ່ໜູນຊ່ວຍວິວັດການຂ້າມຜ່ານຢູ່ ຊູດັງ.