(vovworld) - ຕອນບ່າຍວັນທີ 22/1, ກອງປະຊຸມປະຈຳປີເວທີປາໄສເສດຖະກິດໂລກ (WEF) ຄັ້ງທີ 44 ໄຂຂຶ້ນຢ່າງເປັນທາງການຢູ່ Davos - ສະວິດ ໂດຍມີການເຂົ້າຮ່ວມຂອງຜູ້ແທນ 2500 ທ່ານທີ່ມາຈາກກວ່າ 100 ປະເທດໃນໂລກ. ຄະນະຜູ້ແທນ ຫວຽດນາມ ໂດຍທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິງມິງ ເປັນຫົວໜ້າຄະນະເຂົ້າຮ່ວມ, ບັນດາການເຄື່ອນໄຫວສອງຝ່າຍ ແລະ ເຂົ້າຮ່ວມການໂອ້ລົມສົນທະນາກັບບັນດາວິສາຫະກິດທີ່ມີຄວາມສົນໃຈເຖີງ ຫວຽດນາມຢ່າງເປັນທາງການ. ຄາດວ່າ, ວັນທີ 24/1, ທ່ານຮອງນາຍົກລັດຖະມົນຕີ ຟ້າມບິງມິງ ຈະເຂົ້າຮ່ວມໃນຖານະເປັນນັກປາຖະກະຖາທີ່ກອງປະຊຸມມີຫົວຂໍ້ວ່າກຳນົດຮູບຮ່າງ ອາຊຽນ ຄືນໃໝ່ ແລະ ບັນດາຜົນກະທົບເຖີງການເຕີບໂຕຢູ່ ອາຊີຕາເວັນອອກ. ເຂົ້າຮ່ວມກອງປະຊຸມວົງແຄບ(IGWEL) ລະຫວ່າງບັນດາການນຳເສດຖະກິດໂລກ. ຄະນະຜູ້ແທນ ຫວຽດນາມ ຍັງເຂົ້າຮ່ວມຫຼາຍກອງປະຊຸມຢ່າງເປັນທາງການ ແລະ ເຄິ່ງທາງການ.
ກອງປະຊຸມແມ່ນແຫ່ງເພື່ອໃຫ້ບັນດາຜູ້ນຳການເມືອງອັນດັບໜຶ່ງ ແລະ ບັນດາຫົວໜ້າຂອງອົງການສາກົນຕ່າງໆພົບປະກັບບັນດາຜູ້ນຳວິສາຫະກິດ ເພື່ອພິຈາລະນາກ່ຽວກັບວິທີການບໍລິຫານທົ່ວໂລກຕາມທິດຕັ້ງໜ້າ ແລະ ມີລັກສະນະສ້າງສັນກວ່າ. ກອງປະຊຸມກໍ່ພິຈາລະນາກ່ຽວກັບການຫັນປ່ຽນໃນສັງຄົມ ແລະ ການເມືອງຢູ່ບາງສະຖານທີ່ໃນໂລກ.