(vovworld) - ຄະນະຜູ້ແທນພັກກອມມູນິດຫວຽດນາມ ໂດຍທ່ານ ຫງວຽນເທ໋ກິ, ຮອງຫົວໜ້າຄະນະໂຄສະນາສຶກສາສູນກາງພັກ ນຳໜ້າເຂົ້າຮ່ວມກອງປະຊຸມໂຕະມົນກ່ຽວກັບ ຂະບວນການກອມມູນິດສາກົນ ເຊິ່ງດຳເນີນໃນລະຫວ່າງວັນທີ 15 – 16/12, ໂດຍພັກກອມມູນິດສະຫະພັນລັດເຊຍ (KPRF) ຈັດຕັ້ງຢູ່ມົດສກູ. ກ່າວຄຳເຫັນທີ່ກອງປະຊຸມ, ທ່ານ ຫງວຽນເທ໋ກິ ເນັ້ນໜັກວ່າ ຍາມໃດພັກກອມມູນິດຫວຽດນາມ ກໍຈົງຮັກພັກດີກັບລັດທິມາກເລນີນ ແລະ ແນວຄິດປະທານໂຮ່ຈິມິນ, ທັງຄະນະການນຳພັກ ແລະ ທົ່ວປວງຊົນຫວຽດນາມ ໄດ້ດຳເນີນການປ່ຽນໃໝ່ປະເທດຊາດ, ສ້າງສາພື້ນຖານເສດຖະກິດການຕະຫຼາດຕາມທິດສັງຄົນນິຍົມ, ບັນລຸໄດ້ບັນດາດາຜົນງານທີ່ໃຫຍ່ຫຼວງທຸກດ້ານໃນຕະຫຼອດ ກວ່າ 25 ປີແຫ່ງການປ່ຽນໃໝ່ໃນໄລຍະຜ່ານມາ. ປະຕິບັດແນວທາງການຕ່າງປະເທດເອກະລາດ, ເປັນເຈົ້າຕົນເອງ, ຫັນການພົວພັນກັບຕ່າງປະເທດເປັນຫຼາຍທິດ ແລະ ຫຼາຍຮູບຫຼາຍແບບ ພັກກອມມູນິດຫວຽດນາມ ຢືນຢັນການສະໜັບສະໜູນຂະບວນການກອມມູນິດ ແລະ ຊົນຊັ້ນກຳມະກອນສາກົນຢ່າງສະເໝີຕົ້ນສະເໝີປາຍ ໃນພາລະກິດຕໍ່ສູ້ເພື່ອຈຸດໝາຍລວມຂອງຍຸກສະໄໝ, ເພື່ອສັນຕິພາບ, ມິດຕະພາບ, ການຮ່ວມມື ແລະ ພັດທະນາ, ຖືການພັດທະນາ ແລະ ເພີ່ມທະວີການພົວພັນທິດຕະພາບ ແລະ ການຮ່ວມມືກັບບັນດາພັກກອມມູນິດ ແລະ ຊົນຊັ້ນກຳມະກອນໃນໂລກເປັນສຳຄັນ.