(vovworld) - ຕອນຄໍ່າວັນທີ 08 ສິງຫາ, ງານບຸນສີສັນອາຊຽນ ຖືກດຳເນີນໄປຢູ່ນະຄອນຫຼວງ ບາງກອກ, ປະເທດໄທ, ດ້ວຍການເຂົ້າຮ່ວມຂອງທ່ານລັດຖະມົນຕີກະຊວງວັດທະນະທຳໄທ ສົນທະຢາ ຄຸນຟືນ, ທ່ານເອກອັກຄະລັດຖະທູດຫວຽດນາມ ປະຈຳໄທ ໂງດຶກທັ໋ງ ແລະ ຜູ້ຕາງໜ້າສະຖານທູດບັນດາປະເທດອາຊຽນ ປະຈຳໄທ. ກ່າວຄຳເຫັນທີ່ພິທີໄຂ, ທ່ານລັດຖະມົນຕີກະຊວງວັດທະນະທຳໄທ ສົນທະຢາ ຄຸນຟືນ ໃຫ້ຮູ້ວ່າ ດ້ວຍຄວາມມະນາພະຍາຍາມປະກອບສ່ວນສູງສຸດເຂົ້າໃນບັນດາການເຄື່ອນໄຫວລວມຂອງອາຊຽນ, ໂຄສະນາບັນດາຮູບພາບຂອງອາຊຽນ ແລະ ຕັດສິນໃຈສ້າງຕັ້ງປະຊາຄົມອາຊຽນ ໃນປີ 2015. ນອກຈາກບັນດາລາຍການສະແດງສີລະປະທີ່ເຂັ້ມຂົ້ນໄປດ້ວຍສີສັນຊາດ, ຫວຽດນາມ ຍັງຈັດຕັ້ງຮ້ານວາງສະແດງ, ໂຄສະນາບັນດາພາບພົດກ່ຽວກັບປະເທດຊາດ ແລະ ຊາວຫວຽດນາມ ທີ່ງານບຸນຄັ້ງນີ້. ບັນດາແຂກຖືກເຊີນ ແລະ ເພື່ອນມິດສາກົນ ມີຄວາມປະທັບໃຈທີ່ສຸດຕໍ່ອາຫານການກິນຂອງຫວຽດນາມ ເຊິ່ງໄດ້ແນະນຳຢູ່ຮ້ານວາງສະແດງ.
ງານບຸນສີສັນອາຊຽນ ແມ່ນໜຶ່ງໃນບັນດາການເຄື່ອນໄຫວໃນວັນທີ 08 ສິງຫາ, ໂດຍປະເທດໄທ ຈັດຕັ້ງເນື່ອງໃນໂອກາດສະເຫຼີມສະຫຼອງ 46 ປີແຫ່ງວັນສ້າງຕັ້ງອາຊຽນ ແລະ ຈະແກ່ຍາວຮອດວັນທີ 12 ສິງຫາ.