ຫວຽດນາມ ເຂົ້າຮ່ວມ ເວທີປາໄສບຣຸກແຊນ 2015 ແລະ ຄວາມປອດໄພທົ່ວໂລກ
ເວທີປາໄສບຣຸກແຊນ 2015 ແລະ ຄວາມປອດໄພທົ່ວໂລກ
(ພາບ: Vietnam+)
(vovworld) – ໃນລະຫວ່າງວັນທີ 19 – 22/03, ຢູ່ບຣຸກແຊນ, ປະເທດແບນຊິກ, ໄດ້ດຳເນີນເວທີປາໄສບຣຸກແຊນ 2015 ແລະ ຄວາມປອດໄພທົ່ວໂລກ. ເຂົ້າຮ່ວມເວທີປາໄສລວມມີຜູ້ແທນ 100 ຄົນເຊິ່ງເປັນນັກຮຽນຮູ້, ນັກຄົ້ນຄວ້າ, ນັກການເມືອງໃນພາກພື້ນ ແລະ ຢູ່ໃນໂລກ. ທ່ານ ຮວ່າງແອງຕວນ, ຜູ້ຕາງໜ້າໜຶ່ງດຽວຂອງອາຊີຕາເວັນອອກສ່ຽງໃຕ້, ຫົວໜ້າສະຖາບັນຄົ້ນຄວ້າຍຸດທະສາດການຕ່າງປະເທດ, ກະຊວງການຕ່າງປະເທດຫວຽດນາມ. ເມື່ອແລກປ່ຽນກັບນັກຂ່າວຫວຽດນາມ ປະຈຳແບນຊິກ, ທ່ານຮ່ວາງແອງຕວນ ເນັ້ນໜັກເຖິງບັນດາບັນຫາປຶກສາຫາລືທີ່ເວທີປາໄສ ໄດ້ສົງຜົນສະທ້ອນທີ່ໃຫຍ່ຫຼວງສຳລັບນັກວາງແຜນນະໂຍບາຍ ຢູ່ບັນດາສູນໃຫຍ່ໃນໂລກ, ຊ່ວຍໃຫ້ເຂົາເຈົ້າມີຮຂໍ້ລິເລີ່ມເພື່ອແກ້ໄຂບັນດາບັນຫາທີ່ມີລັກສະນະທົ່ວໂລກ ທີ່ຕິດພັນກ່ຽວກັບຄວາມປອດໄພ, ການເມືອງ, ການຄ້າ, ໃນນັ້ນມີບັນຫາທະເລຕາເວັນອອກ. ສິ່ງດັ່ງກ່າວເຮັດໃຫ້ບັນດານັກວາງແຜນນະໂຍບາຍເຫັນວ່າ ຕ້ອງແກ້ໄຂບັນຫາຢ່າງຖືກຕ້ອງ. ການມີໜ້າຂອງຜູ້ຕາງໜ້າຫວຽດນາມ ທີ່ເວທີປາໄສຄັ້ງນີ້ ໄດ້ຊີ້ໃຫ້ເຫັນວ່າ, ບັນດາບັນຫາຄວາມປອດໄພຂອງພາກພື້ນອາຊີຕາເວັນອອກສ່ຽງໃຕ້, ໃນນັ້ນມີການຂັດແຍ້ງອະທິປະໄຕຢູ່ທະເລຕາເວັນອອກ, ແມ່ນບັນຫາຄວາມປອດໄພຂອງທົ່ວໂລກຢ່າງແທດຈິງ ແລະ ນັບມື້ນັບດຶງດູດຄວາມສົນໃຈຂອງບັນດາສູນ ແລະ ວົງການນັກວາງແຜນນະໂຍບາຍຄວາມປອດໄພໃນໂລກ. ນອກນັ້ນ, ນັ້ນແມ່ນການສັງເກດຂອງເວທີປາໄສບຣຸກແຊນ ກ່ຽວກັບທີ່ຕັ້ງບົດບາດຂອງຫວຽດນາມ ແລະ ບັນດາການປະກອບສ່ວນຢ່າງຕັ້ງໜ້າຂອງວົງການນັກຮຽນຮູ້ຫວຽດນາມ ເຂົ້າໃນບັນຫາຄວາມປອດໄພໃນພາກພື້ນ ແລະ ທົ່ວໂລກ.