(vovworld) - ທ່ານລັດຖະມົນຕີກະຊວງຄົມມະນາຄົມຂົງສົ່ງຫວຽດນາມ Dinh La Thang ຈະນຳໜ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມລັດຖະມົນຕີຄົມມະນາຄົມຂົງສົ່ງອາຊຽນ (ATM) ຄັ້ງທີ 18 ແລະ ບັນດາກອງປະຊຸມທີ່ກ່ຽວຂ້ອງ ເຊິ່ງຖືກຈັດຂຶ້ນຢູ່ບາລີ, ປະເທດອິນໂດເນເຊຍ ໃນລະຫວ່າງວັນທີ 29 – 30/11/2012. ດັ່ງທີຮູ້ແລ້ວວ່າ, ກອງປະຊຸມ ATM ຄັ້ງທີ 17 ໄດ້ດຳເນີນໄປຢູ່ພະນົມເປັນ, ປະເທດກຳປູເຈຍ ແລະ ໄດ້ຮັບຮອງໂຄງຮ່າງປະຕິບັດຕະຫຼາດການບິນເອກະພາບອາຊຽນ (ASAM), ເຊິ່ງລວມມີບັນດາຂົງເຂດຄື: ການຂົນສົ່ງທາງອາກາດຢ່າງເສລີ, ເປັນເອກະພາບບັນດາມາດຕະຖານ ແລະ ພຶດຕິກຳຕົວຈິງກ່ຽວກັບຄວາມປອດໄພ, ຄວາມໝັ້ງຄົງຫັນວິວັດການຄຸ້ມຄອງການເຄື່ອນໄຫວໜູນຊ່ວຍໃຫ້ ASAM ມີຄວາມກົມກຽວ. ເພື່ອແນໃສ່ເຮັດໃຫ້ການຂົນສົ່ງສິນຄ້າໃນພາກພື້ນໄດ້ຮັບທະລຸລ່ວງ, ກອງປະຊຸມ ATM ຄັ້ງທີ 17 ໄດ້ລົງນາມໃນອານຸສັນຍາເລກທີ 6 ກ່ຽວກັບສະຖານີສົ່ງຕໍ່ ແລະ ສະຖານີລົດໄຟຢູ່ຊາຍແດນ, ປະຕິບັດສັນຍາແມ່ ກ່ຽວກັບການອຳນວຍຄວາມສະດວກສະບາຍໃນການຂົນສົ່ງສິນຄ້າຂ້າມຊາຍແດນ, ຖືນີ້ແມ່ນບາດກ້າວໃຫຍ່ໃນຄວາມມານະພະຍາຍາມຂອງອາຊຽນ ແນໃສ່ສ້າງເງື່ອນໄຂສະດວກໃຫ້ແກ່ການໄປມາຂອງລົດໄຟຂົນສົ່ງສິນຄ້າຜ່ານຊາຍແດນໃນພາກພື້ນ.